ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට තම පක්ෂයේ සහය ලබාදෙන බව ටී.එම්.වී.පී පක්ෂ නායක ශිවනේෂතුරෙයි චන්ද්‍රකාන්තන් හෙවත් පිල්ලෙයාන් පවසනවා.
මිලියන 2ක සින්නක්කර ඔප්පු ලබාදීමේ වැඩසටහන යටතේ, මඩකලපුව දිස්ත්‍රික්කයේ ප්‍රදේශීය ලේකම් කොට්ඨාස 13ක සුදුසුකම් ලැබු පවුල් 27,595න් 192 දෙනෙකු සඳහා ජනාධිපතිවරයා විසින් සංකේතාත්මකව ඔප්පු ලබාදීම අද (22) සිදු කෙරුණා.
ජනාධිපති මාධ්‍ය අංශය නිවේදනය කළේ, එම ඔප්පු බෙදාදීමේ උත්සවයෙන් පසුව ජනාධිපතිවරයා, පිල්ලෙයාන් ඇතුළු පාක්ෂිකයින් ඔවුන්ගේ මූලස්ථානයේදී හමුවූ බවයි.
එහිදී ටී.එම්.වී.පී නායකයා ජනාධිපති රනිල් වික්‍රමසිංහ මහතා වෙත සිය සහයෝගය පළ කර ඇති බවයි වාර්තා වෙන්නේ.
