මන්නාරම් දූපතේ සුළං බල ගොවිපොළ සංවර්ධනය කිරීමේ ව්යාපෘතියක් ක්රියාත්මක කිරීම සඳහා කැබිනට් මණ්ඩල අනුමැතිය හිමිව තිබෙනවා.
මන්නාරම් දූපතේ සුළං බල මධ්යස්ථානයක් ක්රියාත්මක කිරීම පිණිස ආසියානු සංවර්ධන බැංකු අරමුදල් යටතේ ඇමෙරිකානු ඩොලර් මිලියන 47ක මුදලක් වැය කර අතිරේක ටර්බයින 06ක් සවි කිරීම මඟින් විදුලි උත්පාදනය ඉහළ නැංවීම පිණිස ව්යාපෘතියක් ක්රියාත්මක කිරීම සදහා 2020-10-26 දින පැවති අමාත්ය මණ්ඩල රැස්වීමේදී අනුමැතිය ලබා දී තිබුණා.
කෙසේවෙතත්, රජයේ විදේශිය ණය ප්රතිව්යූහගතකරණ වැඩසටහන ක්රියාත්මක කරනු ලබන තෙක් ආසියානු සංවර්ධන බැංකු අරමුදල් භාවිත කිරීමට හැකියාවක් නොමැති බව රජය පවසනවා.
ඒ අනුව, වසර 20ක මෙහෙයුම් කාලසීමාවක් සහිතව ඉදි කිරීම්, අයිතිය දැරීම සහ ක්රියාත්මක කිරීම (BOO) පදනම යටතේ තරගකාරි පදනම මත තෝරාගනු ලබන පුද්ගලික අංශයේ ආයෝජකයින් මඟින් අදාළ ව්යාපෘතිය ක්රියාත්මක කිරීම පිණිස විදුලිබල හා බලශක්ති අමාත්යතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.