මෙරට අපරාධ නීතිය ඇතැම් පුද්ගලයින් විසින් චේතනාන්විතවම විහිළුවට ලක් කර ඇති බව අමාත්‍ය සුසිල් ප්‍රේමජයන්ත මහතා පවසනවා.
අද (11) පාර්ලිමේන්තුවේදී අදහස් දක්වමින් අමාත්‍යවරයා මේ බව සඳහන් කළා.
සැකකරුවන් ගෙන්වාගෙන පොලීසියෙන් ප්‍රශ්න කිරීම මාධ්‍යයෙන් පෙන්වීම සම්පූර්ණයෙන්ම වැරදි සහගත බවත් මෙවැනි ක්‍රියා හරහා අපරාධ නඩු විසඳීමට බාධා එල්ල වන බවත් සුසිල් ප්‍රේමජයන්ත මහතා මෙහිදී පවසා සිටියා.
මෙහිදී අදහස් දැක්වූ පාර්ලිමේන්තු මන්ත්‍රී අනුර කුමාර දිසානයක මහතා පවසා සිටියේ, පොලීසිය සැකකරුවන් ගෙන්වාගෙන මෙලෙස ප්‍රශ්න කිරීම හුදෙක්ම මාධ්‍ය සංදර්ශනයක් බවයි.
එහිදී වැඩිදුරටත් අදහස් දැක්වූ අනුර කුමාර දිසානායක මහතා,
“ ඒකෙ හරියට පෙන්නුම් කරනවා පොලීසිය වෙනම ඔහුගෙන් කට උත්තරයක් අරගෙන සියල්ල අහගන්නවා. අහගෙන නැවත මීඩියා ගෙනල්ලා ඒ සැකකරුවා ගෙනල්ලා අරක ප්‍රචාරය කරනවා. සාක්ෂිකරුවට අමතක වෙන දේවල් මතක් කරන්නේ DID මහත්තයා. ඉතාපැහැදිලිවම මාධ්‍ය රංගනයක් මේ කරන්නේ. මෙහෙම සැකකරුවෝ ගෙන්නල මාධ්‍ය ඉදිරියේ කට උත්තර ගන්න සම්ප්‍රදායක් ඇති වුණොත්..අනිවාර්‍යෙයෙන් ඒක ගැන කැලකිල්ලට භාජනය කරන්න ඕන”
