කාන්තාවන්ට එරෙහි ප්රචණ්ඩත්වය වළක්වාලීම සදහා වන අන්තර්ජාතික සම්මුතියෙන් ඉවත්වීමට තුර්කිය ගත් තීරණයට එරෙහිව එරට කාන්තාවෝ දැවැන්ත විරෝධතා ව්යාපාරයක් දියත් කළහ.
ඉස්තාන්බුල් හි ඉස්ටිකාන් චතුරස්රය ආසන්නයේ පැවති මෙම විරෝධතාවයට විරෝධතා පුවරු රැගත් තුර්කි කාන්තාවන් දහස් ගණනක් සටන් පාඨ කියමින් එක්ව සිටි බව විදෙස් මාධ්ය වාර්තා කරයි.
විරෝධතාවයේ යෙදුණු කාන්තාවන්ට කදුලු ගෑස් එල්ල කළ පොලිසිය ඔවුන් පළවා හැරීමට කටයුතු කළ බවද එම වාර්තාවල දැක්වේ.
කාන්තාවන්ට එරෙහි ප්රචණ්ඩත්වය වළක්වාලීම සදහා වන යුරෝපා සම්මුතිය ඉස්තාන්බුල් සම්මුතිය ලෙසද ප්රකටව ඇති අතර එය කාන්තා අයිතිවාසිකම් ආරක්ෂා කිරීම සදහා වන වැදගත් අන්තර්ජාතික සම්මුතියක් ලෙස පිළිගැනීමට ලක්ව ඇත.
කෙසේවෙතත් තුර්කි ජනාධිපති තායෙප් එර්දොගාන් තුර්කිය එම සම්මුතියෙන් ඉවත් කරගැනීමට කටයුතු කළ අතර මෙය එරට කාන්තා අයිතිවාසිකම් නොතකා හැරීමක් බවට චෝදනා එල්ල වී තිබේ.