සෞඛ්‍ය අවධානමක් ඇති කරවමින් විවිධ උද්ඝෝෂණ පැවැත්වීම තහනම් කිරීමට තීරණය කර ඇති බව පොලීසිය නිවේදනය කරනවා.
එම නිවේදනයේ දැක්වෙන්නේ සෞඛ්‍ය සේවා අධ්‍යක්ෂ ජනරාල්වරයා විසින් සිදුකරන ලද ඉල්ලීමකට අනුව අදාළ තීරණය ගත් බවයි.
මහජනතාව වැඩි වශයෙන් ඒකරාශීවන පොදු රැස්වීම්, උද්ඝෝෂණ වැනි ක්‍රියාකාරකම් සිදුකිරීම මඟින් කොවිඩ් රෝගය පැතිරයාමේ විශාල අවධානමක් පවතින බැවින් එවැනි ආකාරයේ මහජනතාව විශාල වශයෙන් ඒකරාශීවන පොදු රැස්වීම් හා උද්ඝෝෂණ පැවැත්වීම නැවත දැනුම්දෙන තුරු සිදු නොකල යුතු බවට අදාළ නිවේදනයේ සදහන්.
එය නිරෝධායන නියෝගයක් බවත් ඒ සම්බන්ධයෙන් ශ්‍රී ලංකා පොලීසිය ක්‍රියාකරන බවත් නිවේදනයේ වැඩිදුරටත් සදහන්.
