28 C
Colombo
Saturday, June 22, 2024
spot_img

ඉන්දීය රාමේෂ්වරම් ධීවරයන් වර්ජනයක

- Advertisement -

ශ්‍රී ලංකා නාවික හමුදාව විසින් අත් අඩංගුවට ගනු ලැබ ඇති ඉන්දියාවේ රාමේෂ්වරම් හි ධීවරයන් 8 දෙනා නිදහස් කරන ලෙස ඉල්ලා රාමේශ්වරම් ධීවරයන් ඊයේ(16) වැඩ වර්ජනයක් ආරම්භ කර තිබෙනවා.

ඉන්දීය මාධ්‍ය වාර්තා කරන්නේ රාමේශ්වරම් ධීවරයන් නැවත  ශ්‍රී ලංකා හමුදාව  අත්අඩංගුවට ගනු ලැබීම හෙළා දකිමින් මෙම වර්ජනය සිදුකර ඇති බවයි.

ශ්‍රී ලංකා බලධාරීන් අත්අඩංගුවට ගෙන ඇති ධීවරයන් සහ බෝට්ටු නිදහස් කර ගැනීම සඳහා ඉන්දීය මධ්‍යම රජය රාජ්‍ය තාන්ත්‍රික ක්‍රියා මාර්ගයක් ගත යුතු යැයි විරෝධතාවයේ නියැලුණු රාමේශ්වරම් ධීවරයන් පෙන්වා දෙනවා.

මේ අතර  මේ වසරේ මේ දක්වා ඉන්දීය ට්‍රෝලර් යාත්‍රා 17 ක් සහ ධීවරයන් 110 දෙනෙකු ශ්‍රී ලංකා බලධාරීන් අත්අඩංගුවට ගෙන ඇතැයි ඉන්දීය මාධ්‍ය වාර්තා කරනවා.

එරට මාධ්‍ය පෙන්වා දෙන්නේ අත්අඩංගුවට ගනු ලබන ඉන්දීය ධීවරයන් ශ්‍රී ලංකාව විසින් කොන්දේසි සහිත ඇප මත නිදහස් කරනු ලැබූවත් අදාළ  ධීවර යාත්‍රා අයිතිකරුවන්ට බාර නොදෙන බවයි.

මේ අතර, කාර්මික දෝෂයක් හේතුවෙන් ඉන්දීය මුහුදු සීමාවට ගසාගෙන ගොස්  ආපදාවට පත් මෙරට ධීවරයින් තිදෙනෙකු නාවික හමුදාව විසින් නිරුපද්‍රිතව මුදාගෙන තිබෙනවා.

ශ්‍රී ලංකාවට උතුරු දෙසින් වු ඉන්දීය මුහුදු සීමාවට ගසාගෙන ගොස් සිටි එම ධීවරයින් විදෙස් නෞකාවක් මඟින් බේරාගැනීමෙන් අනතුරුව නාවික හමුදාව වෙත භාරදී ඇති බව වාර්තා වෙනවා.

ඒ අනුව ඔවුන් කොළඹ සමුද්‍රීය සෙවීම් හා මුඳවාගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන් වේග ප්‍රහාරක මුර යාත්‍රාව මඟින් ගොඩබිමට රැගෙන ඒමට නාවික හමුදාව කටයුතු කර තිබෙනවා.

නාවික හමුදාව පැවසුවේ එම ධීවරයින් මේ වන විට ප්‍රතිකාර සඳහා හම්බන්තො‍‍ට මූලික රෝහල වෙත යොමු  කිරීමට පියවර ගත් බවයි.

නාවික හමුදාව සඳහන් කළේ පසුගිය සැප්තැම්බර් මස 02 වන දින  ධීවර කටයුතු සඳහා පිටත්ව ගොස් ඇති එම යාත්‍රාව ඇතිවූ කාර්මික දෝෂයක් හේතුවෙන් ආපදාවට ලක්ව ඉන්දීය මුහුදු සීමාවට ගසාගෙන ගොස් තිබු බවයි.

සමුද්‍රීය සෙවීම් හා මුඳවා ගැනීම් කලාපයන් තුළද ආපදාවට පත් වන නාවික හා ධීවර ප්‍රජාවට සහන සැලසීම සඳහා නිරන්තර සුදානමෙන් පසුවන බව නාවික හමුදාව තවදුරටත් සඳහන් කළා.

RECENT ARTICLES - SINHALA

සිසුවියක් සමූහ දූෂණයට ලක් කිරීමේ සිද්ධියට 6ක් අත්අඩංගුවට

16 හැවිරිදි දැරියක් සමූහ දූෂණයට ලක්කළ බව කියන සිද්ධිය සම්බන්ධයෙන් ඇයගේ පෙම්වතා ඇතුළු තරුණයන් 6 දෙනෙකු පොලීසිය විසින් අත්අඩංගුවට ගෙන තිබෙනවා. පොලීසිය සඳහන් කළේ අත්අඩංගුවට...

කාන්තා අයිතිවාසිකම් ගැන ජනපතිගේ කතාවකට ජාජබ නීතිඥයින්ගෙන් නඩුවක්?

කාන්තා අයිතිවාසිකම් පිළිබඳව ජනාධිපති රනිල් වික්‍රමසිංහ පාර්ලිමේන්තුවෙන් පිටතදී සිදු කළ ප්‍රකාශයකට එරෙහිව නඩු පැවරීමට සිදු වන බව ජාතික ජන බලවේගයේ නීතිඥයින් පවසා ඇති බවට...

සියොන් දේවස්ථානය ගැන ජනපති වාර්තාවක් ඉල්ලයි

පාස්කු ඉරිදා බෝම්බ ප්‍රහාරයට ලක් වූ මඩකලපුව සියොන් දේවස්ථානයේ දේවස්ථානයේ ප්‍රතිසංස්කරණ කටයුතු මෙතෙක් අවසන් නොවීම පිළිබඳව වහාම වාර්තාවක් ඉදිරිපත් කරන ලෙස ජනාධිපති රනිල් වික්‍රමසිංහ...

POPULAR ARTICLES

යුද හමුදා මාණ්ඩලික ප්‍රධානී ධූරය​ට නව මේජර්වරයෙක්

ශ්‍රී ලංකා යුද හමුදාවේ මාණ්ඩලික ප්‍රධානී ලෙස මේජර් ජෙනරාල් රෝහිත අලුවිහාරේ මහ​තා පත් කර තිබෙනවා. අද (20) සිට ක්‍රියාත්මක වන පරිදි මෙම පත්වීම සිදුකරනු ලැබුවා....

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...

ලන්ඩන් රැස්වීමට අනුර සෙනඟ ඇද්දේ බස්වලින් – සමන් රත්නප්‍රිය

0
එංගලන්තයේ ලන්ඩන් නුවර පැවැත්වූ ජනහමුව සඳහා අනුර කුමාර දිසානායක සෙනඟ රැස්කර ඇත්තේ සුපුරුදු පරිදි බස්රථවලින් බව ජනාධිපති වෘත්තිය සමිති අධ්‍යක්ෂ ජනරාල් සමන් රත්නප්‍රිය මහතා...