අග්‍රාමාත්‍ය මහින්ද රාජපක්ෂ මහතාගේ බාල පුතු වන ආචාර්ය රෝහිත රාජපක්ෂ මහතා, කි‍්‍රකට් ක‍්‍රීඩාවට අවතීර්ණ වී ඇති බව ක්‍රිකට් ඒජ් වෙබ් අඩවිය වාර්තා කරනවා
හිටපු රග්බි ක්‍රීඩකයෙකු වූ රෝහිත මීට පෙර යුද හමුදා රග්බි කණ්ඩායම නියෝජනය කළා.
ආරංචි මාර්ග වලට අනුව මේ වන විට ඔහු කළුතර නගර ක්‍රීඩා සමාජය සඳහා මග්ගොන සරේ විලේජ් හි පුහුණු තරගයක් ක්‍රීඩා කරමින් සිටිනවා.
එළඹෙන ඕවර 50 තරඟාවලිය සඳහා ක්‍රීඩකයින් තෝරා ගැනීම සඳහා එම ක්‍රීඩා සමාජය අද පුහුණු තරඟයක් සංවිධානය කර ඇති අතර රෝහිත ද එම පුහුණු තරගයට ක්‍රීඩා කරන බව ක්‍රිකට් ඒජ් වෙබ් අඩවිය පවසනවා.
ඕවර 50 තරඟාවලිය ඔක්තෝබර් 27 දා ආරම්භ වීමට නියමිත අතර ලංකා ප්‍රිමියර් ලීග් (එල්පීඑල්) තරඟාවලියට පෙර එම තරඟාවලිය අවසන් කිරීමට ශ්‍රී ලංකා ක්‍රිකට් තරගාවලි කමිටුව බලාපොරොත්තු වන බවයි පැවසෙන්නේ.
කොළඹ, මහනුවර, දඹුල්ල, ගාල්ල සහ යාපනය යන කණ්ඩායම් 5 ක සහභාගීත්වයෙන් ජාතික සුපර් ලීග් තරඟාවලිය ඉන් අනතුරුව පැවැත්වීමට නියමිතයි.
ජාතික සුපර් ලීගය ජනවාරි, පෙබරවාරි සහ මාර්තු මාසවලදී දින හතරේ පළමු පෙළ තරඟ සහ පන්දුවාර 50 තරඟ ලෙස පැවැත්වෙනවා.
