පාකිස්තානය යටතේ පවතින සින්ද් හි මානව හිමිකම් උල්ලංඝනය කිරීම් සහ මිනිසා විසින් නිර්මාණය කරන ලද බලපෑම් නිසා ඇති වන ගංවතුර ව්යසනයට එරෙහිව සතියක උපවාසයක් ඇමරිකාවේ එක්සත් ජාතීන්ගේ මූලස්ථානය ඉදිරිපිට පවත්වා තිබේ.
එක්සත් ජාතීන්ගේ 77 වැනි මහා සභා සැසිවාරයේ ආරම්භ වූ සැප්තැම්බර් 13 වැනිදා සිට සතියක කාලයක් මෙම උපවාසය පැවති බව වාර්තා වේ.
ඇමරිකාවේ ලෝක ප්රකට දාර්ශනිකයෙකු, වාග් විද්යාඥයෙකු සහ සමාජ හා දේශපාලන විචාරකයෙකු වන මහාචාර්ය නෝම් චොම්ස්කි ද මෙම උපවාසයට සහය පළ කර ඇති අතර එහිදී අයිතිවාසිකම් දිනාගැනීම සදහා අත්සන් කළ පෙත්සමට ඔහු ද අත්සන් තබා තිබේ.
සින්ද් පදනම මෙය සංවිධානය කර තිබූ අතර එහි වොෂින්ටන් අධ්යක්ෂ සුෆි ලගාරි එක්සත් ජාතීන්ගේ සංවිධානය සහ එහි අනෙකුත් සාමාජික රටවල් ඇතුළු ජාත්යන්තර ප්රජාවෙන් ඉල්ලා ඇත්තේ ඔවුන් පාකිස්ථානයට සහාය නොදිය යුතු නමුත් සින්ද් ජනතාවට සෘජුවම සහය දිය යුතු බවයි.
පාකිස්ථානයේ රජයන්ට ලබා දුන් පෙර ආධාර පිළිබඳ විවෘත විමර්ශනයක් සහ විගණනයක් කළ යුතු බවත් ඔහු පවසා තිබේ.