සංචාරක ශ්‍රී ලංකා කණ්ඩායම සහ නවසීලන්තය අතර පළමු t20 තරගය ඕක්ලන්ඩ් හිදී දැන් පැවැත්වෙනවා.
කාසිය වාසිය දිනූ නවසීලන්ත නායකයාගේ ආරාධනයෙන් ශ්‍රී ලංකා කණ්ඩායම පළමුව පන්දුවට පහර දුන්නා.
ඉනිමේ පළමු පන්දුවෙන්ම පැතුම් නිශ්ශංක දැවී ගියේ ශ්‍රී ලංකා පිතිකරුවන් සුපුරුදු රිද්මයට පැමිණ ඇත්දැයි යන සැකය මතු කරමින්.
නමුත් එතැන් සිට ඉනිම ගොඩ නංවන්නට සෙසු පිතිකරුවන් උත්සුක වුණා.
වසරකට පමණ පසුව ජාත්‍යන්තර t20 පිටියට යළි පැමිණි කුසල් පෙරේරා නොදැවී ලකුණු 53යි.
චරිත් අසලංක ලකුණු 67ක් ලබා ගත්තා.
සිව්වැනි කඩුල්ල සඳහා කුසල් හා අසලංක අතර ලකුණු 103ක සම්බන්ධතාවක් ගොඩ නැඟුවා.
ඒ අනුව නියමිත පන්දුවාර 20 තුළ ශ්‍රී ලංකා කණ්ඩායම කඩුලු 5ක් දැවී ලකුණු 196ක් ලබා ගැනීමට සමත් වුණා.
කෙසේ වෙතත් අවසන් පන්දුවාර 4 තුල ලකුණු ලබා ගැනීමේ වේගය මන්දගාමී වීම හේතුවෙන් ශ්‍රී ලංකාවට තවත් ලකුණු 20ක් පමණ අහිමි වූ බවයි විචාරකයින් පෙන්වා දෙන්නේ.
ජයග්‍රහණය හඹා යන නවසීලන්තය පන්දුවාර 6ක් අවසානයේ කඩුලු 2ක් දැවී ලකුණු 54ක් ලබා සිටිනවා.
