චීන පොහොර රැගත් නෞකා යළි මෙරටට ගෙන්වීම සම්බන්ධයෙන් වන සාකච්ඡාවක් හෙට (10) පොහොර ලේකම් කාර්යාලය සමග පැවැත්වීමට නියමිත බව කොමර්ෂල් පොහොර සමාගම පවසනවා.
අධිකරණ නියෝගයට අනුව එම චීන පොහොර ගෙන්වීම සිදු කෙරෙන බවයි එහි සභාපති මෙත්සිරි විජේගුණවර්ධන මහතා පවසන්නේ.
ඒ අනුව මතභේදාත්මක තත්ත්වයෙන් පසු චීන කාබනික පොහොර රැගත් පළමු නෞකාව ලබන මාර්තු මාසයේදී මෙරටට ගෙන්වීමට සැලසුම් කර ඇති බවත් ඔහු පවසනවා.
ඉන් මෙරටට රැගෙන ඒමට නියමිත චීන පොහොර ප්රමාණය මෙට්රික් ටොන් 8,000 ක්.
මීට පෙර චීනයේ චින්ඩාඕ සීවින් බයෝටෙක් සමාගමෙන් ආනයනය කර හිපෝ ස්ප්රීට් නෞකාවෙන් මෙරටට ගෙන්වූ චීන කාබනික පොහොර මෙටි්රක් ටොන් 20,000 ක් පසුගියදා ආපසු හරවා යැවුණා. ඒ මෙරට ජාතික ශාක නිරෝධායන ආයතනය මගින් ඒවා ප්රමිතියෙන් තොර බව නිවේදනය කිරීමෙන් අනතුරුවයි.