මුලතිව් මහේස්ත්රාත් හා දිසා විනිසුරුවරයාගේ ඉල්ලා අස්වීම සම්බන්ධයෙන් විධිමත් පරීක්ෂණයක් සිදු කරන ලෙස ශ්රී ලංකා නීතිඥ සංගමය අගවිනිසුරුවරයාගෙන් ඉල්ලීමක් කර තිබෙනවා.
පසුගිය 29 වැනිදා අධිකරණ සේවා කොමිෂන් සභාව වෙත ඉල්ලා අස්වීමේ ලිපිය යොමු කරමින් මුලතිව් මහේස්ත්රාත් හා දිසා විනිසුරු ටී.සරවනරාජා මහතා සිය ධුරයෙන් ඉල්ලා අස්වී තිබුණා.
මෑත කාලීනව වඩාත් කතා බහට ලක් වූ නඩු කටයුතු කිහිපයක්ම ටී.සරවනරාජා විනිසුරුවරයා ඉදිරියේ විභාග වූ බවද වාර්තා වෙනවා.
කුරුන්දි විහාරය සම්බන්ධ නඩු කටයුත්ත මෙන්ම කොක්කුතුඩුවායි ප්රදේශයෙන් මිනිස් අස්ථි කොටස් සොයා ගැනීමේ සිද්ධියට අදාළ මුලික පරීක්ෂණ කටයුතු ටී. සරවනරාජා විනිසුරුවරයා ඉදිරියේ සිදු කෙරී තිබුණා.