2023 ලෝක කුසලාන ක්රිකට් තරගාවලියේ ඉන්දියාව හා පාකිස්තානය අතර ක්රිකට් තරගය අද (14) අහමදාබාද්හි නරේන්ද්ර මෝදි ජාත්යන්තර ක්රිකට් ක්රීඩාංගණයේ දී පස්වරු 02ට ආරම්භ වීමට නියමිතයි.
ක්රිකට් ක්රීඩාව තුළ පසමිතුරන් ලෙස සැලකෙන කණ්ඩායම් දෙකක් ලෙස ඉන්දියාව හා පාකිස්තානය හඳුන්වා දිය හැකියි.
අද තරගය සඳහා ඉන්දීය කණ්ඩායම රෝහිත් ශර්මා විසින් මෙහෙයවන අතර, පාකිස්තාන කණ්ඩායම බාබර් අසාම් විසින් මෙහෙයවන බවට වාර්තා වනවා .
කෙසේ වෙතත් දෙරට අතර අවසන් වරට පැවති එක්දින තරග පහෙන් තරග හතරකම ජය ලබා ගැනීමට ඉන්දියාව සමත් වූ අතර, එක් තරගයක් ජය පැරදුමෙන් තොරව අවසන් වුණා.
අද තරගය ලොව ඇති විශාලම ප්රේක්ෂකාගාරය හිමි නරේන්ද්ර මෝදි ක්රිකට් ක්රීඩාංගණයේ පැවැත්වෙන අතර එහි ආසන 132,000ක් වනවා.
මෙම තරගය සඳහා විශේෂ රන් ප්රවේශ පත්ර කිහිපයක් ද මුද්රණය කර තිබෙන බවට වාර්තා වනවා.
එම ප්රවේශ පත්ර දකුණු ඉන්දීය සුපිරි නළු රජ්නි කාන්ත්, සුපිරි බොලිවුඩ් නළු අමිතාබ් බච්චන් හා ඉන්දීය ක්රිකට් වංශයේ ලිට්ල් මාස්ටර් හෙවත් සචින් ටෙන්ඩුල්කාර් යන අයට ලබා දීමට තීරණය වී ඇති බවද සඳහන්.
ඉන්දියා – පාකිස්තාන ක්රිකට් තරගයට පෙර විශේෂ සැමරුම් උත්සවයක් ද සංවිධානය කර ඇති බවට වාර්තා වනවා.
එමෙන්ම මෙවර ලෝක කුසලානයේ මේ වන විට පකිස්ථාන කණ්ඩායම මෙන්ම ඉන්දියාව ද දැනට ක්රීඩා කළ තරග 2ම ජය ගෙන තිබෙන අතර ඉන්දියාවේ Ishan Kishan අද දවසේදී ලකුණු 67ක් රැස් කරගන්නට සමත් වුවහොත් ඔහුට තම එක්දින ලකුණු 1000 පසු කිරීමේ හැකියාව ලැබෙන අතර පකිස්ථානයේ Hasan Ali අද දිනයේ කඩුලු 3ක් දවා ගන්නට සමත් වුවහොත් ඔහු එක්දින කඩුලු 100 පසු කරන බව සඳහන්.