පන්දුවාර විස්ස ලෝක කුසලාන තරගාවලියේදී ශ්රිී ලංකා ක්රිකට් කණ්ඩායමේ ප්රධාන නිල අනුග්රාහකයා ලෙස ඉන්දියාවේ කිරි නිෂ්පාදන ආයතනයක් වන අමුල් සමාගම කටයුතු කරන බව ශ්රී ලංකා ක්රිකට් ආයතනය ප්රකාශ කළා.
2023 එක්දින ක්රිකට් ලෝක කුසලාන තරගාවලියේදී ද අමුල් සමාගම ශ්රී ලංකා ක්රිකට් කණ්ඩායමේ අනුග්රාහකයා ලෙස කටයුතු කර තිබුණා.
ICC පිරිමි T20 ක්රිකට් ලෝක කුසලාන 2024 ජුනි 3 වැනිදා නිව්යෝර්ක්හිදී ශ්රී ලංකාව දකුණු අප්රිකාවට එරෙහිව ආරම්භක තරගය ක්රීඩා කිරීමට නියමිතයි.
ලෝක කුසලාන තරගාවලිය 2024 ජුනි 01 සිට 29 දක්වා බටහිර ඉන්දීය කොදෙව් සහ ඇමරිකා එක්සත් ජනපදයේ දී පැවැත්වෙනවා.
අමුල් ශ්රී ලංකා ක්රිකට් සමඟ ඇති හවුල්කාරිත්වය විශිෂ්ට පියවරක් බවත් අන්තර්ජාතික ක්රීඩා සන්නාමයක් සමඟ සම්බන්ධවීම සමාගමට වෙළඳපොළ වර්ධනයක් ලබාගැනීමට සහ අන්තර්ජාතික ප්රේක්ෂකයන් අතර එහි සන්නාම දෘශ්යතාව තවදුරටත් ඉහළ නැංවීමට නිසැකවම උපකාරී වනු ඇති බවත් ක්රිකට් ආයතනයේ ප්රධාන විධායක නිලධාරී ඈෂ්ලි ද සිල්වා මහතා පවසා තිබෙනවා.