පුනරින් සන්ගුපිටිය මාර්ග බාධකයේ රාජකාරියේ යෙදී සිටි පොලිස් නිලධාරීන්ගේ අණ නොතකා පොලිස් නිලධාරීන් අනතුරට ලක් කිරීමට තැත්කර පලා යමින් සිටි කැබ් රථයකට ඊයේ (09) පොලිසිය වෙඩි තබා තිබෙනවා.
කැබ් රථයේ ටයරයකට වෙඩි වැදී තිබියදීත් එය ධාවනය කළ පුද්ගලයා කිලෝමීටර් දහයක් පමණ දුර ගොස් ලඳු කැලෑ සහිත ප්‍රදේශයක කැබ් රථය අතහැර පලා ගොස් ඇති බවයි වාර්තා වෙන්නේ.
පුනරින් පොලිසිය පවසන්නේ සිදු කළ විමර්ශනවල දී පලාගිය පුද්ගලයා හඳුනා ගෙන ඇති බවත් ඔහු ප්‍රදේශයේ දැව ජාවාරමේ නිරත වන නඩු රැසක් තිබෙන පුද්ගලයෙකු බවට ද තොරතුරු හෙළිවී තිබෙනවා.
මේ වන විට පුනරින් පොලීසිය සැකකරු අත්අඩංගුවට ගැනීමට විමර්ශන සිදුකරනවා
