ටිරාන් අලස් අමාත්‍යවරයාගේ පුත්‍රයා පසුගිය සෙනසුරාදා (02) මහනුවර බලා ගමන් කරන අතර තුර ත්‍රීරෝද රථයක් පසුකර යෑමට උත්සහ කිරීම හේතුවෙන් රථවාහන පොලීසිය ඔහුගේ රථය නවත්වා ඇති බවට තොරතුරු වාර්තා වනවා.
මෙහිදී ටිරාන් අලස් අමාත්‍යවරයාගේ පුත්‍රයා තමාගේ වරද පිළිගෙන දඩ කොලයක් ලබාගැනීමට කැමැත්ත පලකර ඇති අතර එය ගෙවීමට ඇති ආසන්නතම තැපැල් කන්තෝරුව පිළිබදව තොරතුරු පොලිස් නිලධාරීන් දෙදෙනාගෙන් විමසා තිබෙනවා.
දඩ කොලය ලියා අවසන් වූ පසුව තමන් මහජන ආරක්ෂක අමාත්‍යවරයාගේ පුත්‍රයා බවද ඔහු පොලිස් නිලධාරීන් දෙදෙනාට පවසා ඇති අතර ඉන් පොලිස් නිලධාරීන් දෙදෙනා කලබලයට පත්ව ඇති බවයි වාර්තා වන්නේ.
ඒ පිළිබදව දඩය ලියන්නට පෙර නොපැවසුවේ මන්දැයි විමසූ පොලිස් නිලධාරීන් දෙදෙනා අදාළ දඩකොළය සහ රුපියල් 1100 ක මුදල ටිරාන් අලස් මහතාගේ පුත්‍රයාගෙන් ඉල්ලා ගෙන තැපැල් කන්තෝරුවට ගොස් දඩය ගෙවා දමා යළි රියදුරු බලපත්‍රය ඔහුට ලබාදී තිබෙනවා.
