2023 වසරේදී ලොව පුරා වෙසෙන පුද්ගලයින් Google වෙතින් වඩාත්ම සොයන ලද පුවත් මොනවාද යන්න එම සමාගම මේ වන විට ප්රකාශයට පත් කර තිබෙනවා.
Google සමාගම පෙන්වා දෙන්නේ ඊශ්රායලය හා ගාසා තීරය අතර යුද ගැටුම සම්බන්ධ පුවත් එම ලැයිස්තුවේ ඉදිරියෙන්ම සිටින බවයි.
හමාස් යනු කුමක්ද, ඊශ්රායලයේ සිදුවන්නේ කුමක්ද, හමාස් ප්රහාරය එල්ල කළේ ඇයි යන ප්රශ්න එක්සත් ජනපදයේ පරිශීලකයින් බහුල වශයෙන් විමසා තිබූ අතර එම ප්රශ්න බොහෝමයක් ඇයි (why) හෝ කොහොමද (how) යනුවෙන් ආරම්භ වී ඇති බවයි වාර්තා වෙන්නේ.
මෙම ලැයිස්තුවේ දෙවැනි ස්ථානයට පත්ව ඇත්තේ ටයිටැනික් නෞකාවේ සුන් බුන් ගවේෂණයට ගොස් අතුරුදන් වූ ටයිටන් සබ්මැරීනය සම්බන්ධ පුවතයි.
එමෙන්ම, පසුගිය පෙබවරවාරියේ හටගත් පුද්ගලයින් 50,000ක් පමණ මිය යාමට හේතු වූ තුර්කියේ භූමි කම්පාව සම්බන්ධ පුවත මෙම ලැයිස්තුවේ තෙවන ස්ථානයේ සටහන් වුණා.
මේ අතර, 2023 වසරේදී Google වෙතින් වඩාත්ම සොයන ලද චිත්රපට වශයෙන් Barbie සහ Oppenheimer ඉදිරියට පැමිණ ඇති අතර බොලිවුඩ් චිත්රපටයක් වන ජවාන්ද ඒ අතරට එක්ව තිබීම විශේෂත්වයක්.
