ජූනි මාසයේදී බටහිර ඉන්දීය කොදෙව් සහ එක්සත් ජනපදය එක්ව සත්කාරකත්වය දරන එළඹෙන විස්සයි 20 ලෝක කුසලානය සඳහා 15 දෙනෙකුගෙන් යුත් සංචිතය ප්‍රකාශයට පත් කිරීමත් සමග නවසීලන්ත ක්‍රිකට් පාලක මණ්ඩලය ලෝක අවධානයට ලක්වී තිබෙනවා.
ඒ නවසීලන්ත ක්‍රිකට් පාලක මණ්ඩලය විසින් මැටිල්ඩා නම් ගැහැණු ළමයෙකු සහ ඇන්ගුස් නම් පිරිමි ළමයෙක් විස්සයි 20 ලෝක කුසලානයේ ලැයිස්තු ගත කර ඇති ක්‍රීඩකයින් නිවේදනය කිරීම නිසා බව විදෙස් මාධ්‍ය වාර්තා කරනවා.
ළමයින් විචිත්‍රවත් ලෙස ක්‍රීඩකයින්ගේ නම් ප්‍රකාශ කර අවසානයේ ඔවුන්ට සුබ පැතුම්ද එක් කර තිබුණා.
ඒ අනුව ලොවම බලා සිටින මෙවන් අවස්ථාවක වගකීම කුඩා ළමුන් දෙදෙනෙකුට පවරා තිබීම ඉතා සුවිශේෂී බවයි බොහෝ දෙනා සඳහන් කරන්නේ.
ඒ අනුව එළඹෙන විස්සයි 20 ලෝක කුසලානය නවසීලන්ත කණ්ඩායමට කේන් විලියම්සන් , ෆින් ඇලන්,ට්‍රෙන්ට් බෝල්ට්,මයිකල් බ්‍රේස්වෙල්,මාර්ක් චැප්මන්,ඩෙවොන් කොන්වේ,ලොකී ෆර්ගසන්,මැට් හෙන්රි,ඩැරල් මිචෙල්,ජිමී නීෂම්,ග්ලෙන් ෆිලිප්ස්,රචින් රවීන්ද්‍ර,මිචෙල් සැන්ට්නර්,ඉෂ් සෝදි,ටිම් සවුති සහ බෙන් සියර්ස් ඇතුළත්.
