ඔක්තොම්බර් 13 වන දිනට යෙදී ඇති “නෝ බ්රා ඩේ” යනු කාන්තාවන්ගේ පියයුරු සෞඛ්ය වෙනුවෙන් වෙන් කර ඇති වාර්ෂික සැමරුමක් වන අතර පියයුරු පිළිකා සම්බන්ධයෙන් සමාජය දැනුවත් කිරීම සඳහා මෙහිදී ප්රමුඛතාවය හිමි වෙනවා.
පියයුරු පිළිකා පිළිබඳව දැනුවත් කිරීමේ සමාජ මාධ්ය ව්යාපාරයක් වශයෙන් 2011 වසරේ ජූලි මාසයේදී ‘නෝ බ්රා දිනය’ සැමරීම ආරම්භ වී ඇති අතර පසුව එය පියයුරු පිළිකා පිළිබඳ දැනුවත් කිරීමේ ජාත්යන්තර මාසය වන ඔක්තෝබර් මාසය වෙත යෙදී තිබෙනවා.
මෙම දිනය සැමරීමෙහි තවත් අරමුණක් වන්නේ තමාගේ ශරීරය පිළිබඳව ස්වයං විශ්වාසයක් ගොඩනඟාගැනීම සම්බන්ධයෙන් කාන්තාවන් අතර සාකච්ඡාවක් නිර්මාණය කිරීමයි.
එමෙන්ම නිතිපතා ස්වයං පියයුරු පරීක්ෂාවක් සිදු කිරීමේ වැදගත්කම පිළිබඳව මෙහිදී කාන්තාවන් දැනුවත් කරන අතර පියයුරු පිළිකා කල් තියා හඳුනා ගැනීමට එය උපකාරී වෙනවා.
රෝස පැහැය මෙම දිනය සංකේතවත් කිරීම වෙනුවෙන් යොදා ගන්නා අතර රෝස පැහැ ඇඳුම් පැළඳීමෙන් ඒ සඳහා සහය පළ කළ හැකි වෙනවා.
එමෙන්ම, පියයුරු පිළිකාවෙන් පීඩා විඳින්නන්ට සහය පළ කිරීමක් වශයෙන් මෙන්ම කාන්තා නිදහස සම්බන්ධ ප්රකාශනයක් වශයෙන් ඇතැම් කාන්තාවන් විසින් මෙම දිනය තුළ තනපටයක් ඇඳීමෙන් වැළකී සිටිනවා.
මේ අතරම, පියයුරු සෞඛ්ය සහ පියයුරු පිළිකා සම්බන්ධයෙන් සමාජය දැනුවත් කිරීමට මෙන්ම එම තත්වයන් වළක්වා ගැනීම සඳහා ගත යුතු ක්රියා මාර්ග සම්බන්ධයෙන් සාකච්ඡා කිරීමට මෙම දිනය මඟින් අවකාශය නිර්මාණය කර දෙනවා.
පියයුරු සෞඛ්ය පිළිබඳ තොරතුරු ඔබ වටා සිටින ප්රජාව අතර මෙන්ම සමාජ මාධ්ය ගිණුම් හරහා බෙදා ගැනීම තුළින් ඔබටත් මෙම දිනය සැමරීම සඳහා සහය දැක්විය හැකියි.