අමාත්ය විමල් වීරවංශ මහතාගේ බිරිද වන ශෂී වීරවංශ මහත්මිය අද (11) පස්වරුවේ අපරාධ පරීක්ෂණ දෙපාර්තමේන්තුව වෙත පැමිණ පැමිණිල්ලක් ඉදිරිපත් කළා.
ඒ ඇය ප්රකට ව්යාපාරිකයෙකු සමඟින් විදෙස් ගතවී ඇතැයි පැතිරයන කටකතාවක් සම්බන්දයෙන් පැමිණිල්ලක් ඉදිරිපත් කිරීමටයි.
ශෂී වීරවංශ මහත්මිය පවසන්නේ තමන් හෝ තමන්ගේ දරුවන් දේශපාලන ක්රියාවලියට සම්බන්ද නොවුනද දිගින් දිගටම තමන් හට මඩ ප්රචාර එල්ලවෙමින් පවතින බවයි.
මෙතෙක් එවැනි මඩ ප්රචාර ඉවසමින් කටයුතු කළද තවදුරටත් නිහඩව සිටීමට නොහැකි බැවින් මෙලෙස පැමිණිල්ලක් ඉදිරිපත් කළ බවයි ඇය මාධ්ය වෙත සදහන් කළේ.
අමාත්ය විමල් වීරවංශ මහතා සම්බන්දයෙන් වර්තමානයේ ක්රියාත්මක වන දේශපාලන ප්රහාර සම්බන්දයෙන් ශෂී වීරවංශ මහත්මියගෙන් විමසීමේදී ඇය කියා සිටියේ තමන්ට දේශපාලන කරුණු අදාල නොවන බවත් එම ගැටළු අමාත්යවරයාම විසදාගත යුතු බවත්ය.