ලෝක කුසලාන අවසන් මහා තරගයේදී ඉන්දීය ක්රිකට් කණ්ඩායම ලද පරාජය දරාගත නොහැකිව ඉන්දීය ක්රීඩාලෝලීන් කිහිපදෙනෙකුට අත්වූ ඛේදනීය ඉරණමක් පිළිබඳව විදෙස් මාධ්ය පවසනවා
විදෙස් මාධ්ය වාර්තා කරන්නේ එක් ඉන්දීය ජාතිකයෙකු කම්පනයෙන් මියගොස් ඇති අතර, තවත් දෙදෙනකු සියදිවි නසාගෙන ඇති බවයි.
පසුගිය ඉරිදා (19) පැවති ලෝක කුසලාන අවසන් මහා තරගයේදී ඕස්ට්රේලියාව හමුවේ ඉන්දියාව ලැබූ පරාජයත් සමඟ එතෙක් අපරාජිතව සිටි ඉන්දීය කණ්ඩායමට අනුශූරතාවයෙන් පමණක් සෑහීමට පත්වීමට සිදු වුණා.
ඉන්දීය කණ්ඩායම ලද මෙම පරාජය දරාගත නොහැකිව ඉන්දියාවේ බටහිර බෙංගාලයේ බන්කුරා දිස්ත්රික්කයේ 23 හැවිරිදි තරුණයෙක් ගෙළවැළලාගෙන මියගොස් තිබෙනවා.
මේ අතර ගුවහාටි නුවර පුද්ගලයෙක් ඉන්දියාව ලද පරාජය නිසා ඇතිවූ කම්පනයෙන් මියගොස් ඇති බව ඉන්දීය මාධ්ය වාර්තා කර තිබුණා.
ඉන්දීය කණ්ඩායමේ පරාජයෙන් පසු දැඩි මානසික පීඩනයකට ලක්වූ ඔහු රාත්රී ආහාරයද නොගෙනම නින්දට ගොස් තිබූ අතර පසුව ප්රතිචාර නොදැක්වීම නිසා රෝහල්ගත කිරීමෙන් පසු එම පුද්ගලයා මියගොස් බව හෙළිව තිබෙනවා.
මේ අතර ඔඩීෂා ප්රාන්තයේ ජායිපූර්හී තරුණයෙකුද ඉන්දීය කණ්ඩායමේ පරාජයෙන් පසුව කම්පනයට පත්ව ඇති අතර ඔහුද සියදිවි හානිකරගෙන ඇති බව වාර්තා වුණා.