32 C
Colombo
Sunday, November 27, 2022

කැන්රිච් ෆිනෑන්ස් ප‍්‍රාග්ධනය රුපියල් බිලියන 2කින් ඉහළ දැමීමට සූදානම්

- Advertisement -

කැන්රිච් ෆිනෑන්ස් ලිමිටඕ විසින් ශ‍්‍රී ලංකා මහ බැංකු විසින් නිර්දේශ කරන ලද රුපියල් බිලියන 2 මූලික ප‍්‍රාග්ධන අවශ්‍යතාවය පුද්ගලික නිකුතුවක් මඟින් ඒ සඳහා නියම කරන ලද 2020 දෙසැම්බර් 31 වැනි දිනට පෙර සපුරා ගැනීමට කටයුතු යොදා ඇත.

ශ‍්‍රී ලංකා මහ බැංකුව කලින් කලට මූල්‍ය ආයතන විසින් පවත්වාගෙන යා යුතු අවම මූලික ප‍්‍රාග්ධනය නියම කරන අතර ඒ අනුව 2021 ජනවාරි 1 වැනි දින වනවිට ලියාපදිංචි මූල්‍ය ආයතනයක් විසින් පවත්වා ගෙන යා යුතු අවම මූලික ප‍්‍රාග්ධනය රුපියල් බිලියන 2 ක් ලෙසින් නියම කෙරී තිබිණි.

පසුගිය සතියේදී ශ‍්‍රී ලංකා මහබැංකුව විසින් කැන්රිච් ෆිනෑන්ස් ලිමිටඞ් සමාගමට සාමාන්‍ය කොටස් සහ නිදහස් කළ නොහැකි, සමුච්චිත නොවන වරණීය කොටස් නිකුතුවක්  සඳහා අවසර ලබා දී තිබිණි. ඒ අනුව පුද්ගලික නිකුතුවක් මඟින්  සාමාන්‍ය කොටස් වෙනුවෙන් රුපියල් බිලියන 1 ක් සහ වරණීය කොටස් වෙනුවෙන් රුපියල් බිලියන 1 ක් වශයෙන් වශයෙන් ප‍්‍රාග්ධනය රැස් කිරීමට සැළසුම් කෙරෙන අතර ඒ හරහා මූලික ප‍්‍රාග්ධනය රුපියල් බිලියන 3 ක් දක්වා ඉහළ නැංවෙනු ඇත.

1971 වසරේදී සංස්ථාපිත මෙම සමාගම 2010 වසර සිට කැන්රිච් ෆිනෑන්ස් ලෙස ක‍්‍රියාත්මක වූ අතර ආරම්භයේ සිට වසර 6 ක් ඇතුළත සිය වත්කම් පදනම රුපියල් මිලියන 600 සිට රුපියල් බිලියන 12 දක්වා වර්ධනය කරගැනීමටත් එක් ශාඛාවක සිට දිවයින පුරා විසිරුණු ශාඛා 36 ක් සහ සේවකයින් 1000 කට අධික පිරිසක් දක්වා වර්ධනය වීමටත් සමාගමට හැකි විය.කැන්රිච් ෆිනෑන්ස් සමාගම 2014/2015/2016 වසරවලදී අඛණ්ඩවම දිවයිනේ ”වේගයෙන්ම වර්ධනය වන සහ නැඟී එන මූල්‍ය සමාගම” වශයෙන් සහ දිවයිනේ ”හොඳම ක්ෂුද්‍ර මූල්‍ය සේවා සම්පාදකයා” වශයෙන් ලන්ඩන් හි Global Banking & Finance Review වෙතින් සම්මාන ලැබීය.

කල්බදු, ක්ෂුද්‍ර කල්බදු, ක්ෂුද්‍ර මූල්‍ය, උකස් සහ පාරිභෝගික ණය වශයෙන් වන පුඵල් පරාසයක සේවාවන් පෙළක් කැන්රිච් ෆිනෑන්ස් සමාගම විසින් ඉදිරිපත් කරයි. වර්තමානයේදී සමාගම, උකස් ණය කෙරෙහි මූලික වශයෙන් අවධානය යොමු කරමින් පවතින අතර කොටස් නිකුතුවෙන් පසුව විවිධාංගීකරණය වූ සේවාවන් පු`ඵල් කිරීමට අපේක්ෂා කරයි.

50 වැනි සංවත්සරය සමරන කැන්රිච් ෆිනෑන්ස් ලිමිටඞ් සමාගම මේ වසර අවසානයට පෙර කොටස් නිකුතුව සම්පූර්ණ කිරීමට අදහස් කරන අතර ඒ වනවිට රටේ පවතින ආර්ථික තත්ත්වයද යහපත් අතට හැරී සමාගමේ දියුණුවට හිතකර තත්ත්වයක් නිර්මාණය වනු ඇතැයි අපේක්ෂා කරයි.

RECENT ARTICLES - SINHALA

වෙළෙඳපොළේ ගෑස් නැති හේතුව ගැන ලිට්‍රෝ සභාපතිගෙන් පැහැදිළි කිරීමක්

0
ගෑස් වෙළෙඳපොළට නිකුත් කිරීමේදී ලබන බදාදා තෙක් සීමා කරන බව ලිට්‍රෝ ගෑස් සමාගම පවසනවා. උත්සවය සාමය තුළ පවතින අධික...

රුහුණු ජාතික අධ්‍යාපන විද්‍යා පිඨයේ ගැටුමක් – 11 දෙනෙක්ට තුවාල

0
රුහුණු ජාතික අධ්‍යාපන විද්‍යා පිඨයේ සිසුන් දෙපිරිසක් අතර ගැටුමකින් 11 දෙනෙක් තුවාල ලබා තිබෙනවා. අද (26) පෙරවරුවේ පිඨයේ දෙවන...

දළඳා මාලිගාවේ විදුලි බිලට සහනයක්

0
ශ්‍රී දළදා මාලිගාවේ පසුගිය ඔක්තෝම්බර් මාසය සඳහා ලැබී තිබූ රුපියල් ලක්ෂ 27ක් වූ විදුලි බිල්පත සඳහා මහජන උපයෝගීතා කොමිසම පොරොන්දු වූ සහනයක්...

RECENT ARTICLES - ENGLISH

Relief for electricity bill of Sri Dalada Maligawa

0
A relief has been given to the massive Rs. 2.7 million electricity bill of Sri Dalada Maligawa. Earlier, Diyawadana...

Rohitha’s hotel bought by another politician?

0
A hotel in the Gongala mountain range near the Sinharaja forest reservation has been bought by another well-known politician in Parliament, Ceylon...

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...