28 C
Colombo
Monday, June 24, 2024
spot_img

ජනතා විමුක්ති පෙරමුණේ චීන සමාජවාදය

- Advertisement -


“චීනය ලෝකය තුළ බල කඳවුරක් නිර්මාණය කරමින් සිටිනවා. ඒක සමාජවාදී ප්‍රතිපත්තිවලින් බැහැර එකක්. ඔවුන් ණය දෙන්නෙ තමන්ගෙ ආර්ථික බලපෑම වෙනුවෙන් මිස සමාජවාදය වෙනුවෙන් නෙවෙයි. ණය කොන්දේසි, පොලිය, අය කරගන්නා හැටි ගත්තත් එහෙමයි. චීනයේ ආර්ථික ව්‍යාප්තවාදය ගැන කතා කරද්දි අප්‍රිකානු රටවල් වගේම හම්බන්තොට වරායත් දැන් උදාහරණයට ගන්නවා. කෙන්යාවේ පාර්ලිමේන්තුවේ පවා කතා කළා. හම්බන්තොට වරාය කියන්නේ අසාර්ථක ව්‍යාපෘති හරහා රටක් ණය උගුලක සිර කිරීමේ කුප්‍රකට උදාහරණයක්.”


ජවිපෙ දේශපාලන මණ්ඩලය නියෝජනය කරන සුනිල් හඳුන්නෙත්ති ඔක්තෝබර් 02 වැනිදා ලංකාදීප පුවත්පතට මෙවැනි පිළිතුරක් දෙන්නේ ‘ඇත්තටම ජ.වි.පෙ චීනය කොමියුනිස්ට් පාලනයක් සහිත රටක් හැටියට පිළිගන්නවද? චීනයේ ඇත්තේ රාජ්‍ය ධනවාදය නෙවෙයිද?’ යන පැනයටය.හඳුන්නෙත්ති මහතාගේ මේ පිළිතුර දකින අයකුට නිතැතින්ම අදහස් වනු ඇත්තේ ජනතා විමුක්ති පෙරමුණ චීනය සමාජවාදී පක්ෂයක් යැයි නොසලකනු ඇති බවය. එහෙත් පිළිතුර ආරම්භයේ චීනය යනු සමාජවාදී ප්‍රතිපත්තිවලින් බැහැර යැයි කියන හඳුන්නෙත්තිම ඊළඟට කියන්නේ කුමක් ද?


“ඒ සම්බන්ධයෙන් විවේචනය අපට එහෙමම තිබෙනවා. හැබැයි චීනය පාලනය කරන්නෙ ධනවාදී පක්ෂයක් යැයි කියන තැනකට තවම ඇවිල්ලා නෑනෙ. ඇමෙරිකාව, බි්‍රතාන්‍ය, ප්‍රංශය වැනි රටවල් පාලනය කරන්නේ ධනවාදී පක්ෂ. ඒ අර්ථයෙන් තමයි චීනයේ සමාජවාදී පාලනයක් කියන්නෙ.”
සමාජවාදී ප්‍රතිපත්තිවලින් බැහැර ලෝක බල කඳවුරක් නිර්මාණය කරන බවට චීනය විවේචනය කළ හඳුන්නෙත්තිම ඉන්පසුව චීනයේ සමාජවාදී පාලනයක් ඇතැයි කියයි. ඉන් නොනැවතෙන ඔහු හොඳම හරිය කියන්නේ පසුවය.


“හැබැයි ඒ පාලනයේ ආර්ථික මොඩලය සමාජවාදී ප්‍රතිපත්ති මත නෙවෙයි කටයුතු කරන්නේ කියන විවේචනය අපට තිබෙනවා. ඒක දේශපාලන විවේචනයක්. කියුබාව වියට්නාමය වැනි රටවල් ජාත්‍යන්තරවාදී සහයෝගිතාවය වෙනුවෙන් දක්වන දායකත්වය තරම්වත් දායකත්වයක් දැවැන්ත ආර්ථිකයක් තිබෙන චීනය දක්වන්නේ නෑ. චීන තරුණ සංවිධාන අලුත් පරම්පරාව මේ සම්බන්ධයෙන් චීන කොමියුනිස්ට් පක්ෂය විවේචනය කිරීමට පටන්ගෙන තිබෙනවා. හැබැයි එවැනි විවේචන මත පදනම් චීනය ධනවාදී රාජ්‍යක් යැයි විග්‍රහ කිරීමට අපි ඉක්මන් විය යුතු නෑ.”


මේ නම් අන් කවරක්වත් නොව, චීනයේ ඇත්තේ රාජ්‍ය ධනවාදය යැයි කෙලින් කියාගත නොහැකිකමය. සමාජවාදී රාජ්‍යක් වෙනුවෙන් සිහින තනන දේශපාලන පක්ෂයක දේශපාලන මණ්ඩල සභිකයකු සමාජවාදයේ මූලික නිර්ණායක නොදන්නාකම විසින් කියනු ලබන්නේ සරල පණිවුඩයක් නොවේ. එය වඩාත් වැදගත් වන්නේ පාර්ලිමේන්තුවේ මූලික කාර්ය වන රාජ්‍ය මූල්‍ය පාලනයේ විනයාරක්ෂකයකු ලෙස කලක් කටයුතු කළ සුනිල් හඳුන්නෙත්ති මහතාගේම මුවින් මෙය පිටවීමය. ජවිපෙ පාර්ලිමේන්තු ආගමනයේදී එල්ල වූ ප්‍රධාන විවේචනයක් වූයේ එය පාර්ලිමේන්තුවාදී පක්ෂයක් බවට පත්ව රාජ්‍ය ධනවාදය වෙනුවෙන් පෙනීසිටින තැනකට තල්ලු වන බවය. චීනය සම්බන්ධයෙන් වූ ජවිපෙ මතය විසින් කියනු ලබන්නේ ලෝක සමාජවාදයක් ගැන පක්ෂයට ඇති අස්ථාවරත්වය පමණක් නොවේ. රාජ්‍ය ධනවාදය ද හඳුනාගත නොහැකි තරමට ඇස් අන්ධ වී ඇති තරමය. ඉතින් චීනය පාලනය කරන්නේ ධනවාදී පක්ෂයක් යැයි කියන තැනට එන්නට ජවිපෙට තවත් ආලෝක වර්ෂයක්වත් ගත වනු ඇත.

RECENT ARTICLES - SINHALA

පාසල් අනධ්‍යන සේවකයින් ලෙඩ වෙලා

දිවයින පුරා අධ්‍යාපන අනධ්‍යයන සේවකයින් අද (24) සහ හෙට (25)  දින අසනීප නිවාඩු වාර්තා කර සේවයෙන් ඉවත්ව සිටීමේ වෘත්තීය සමිති ක්‍රියාමාර්ගයක නිරත වන බව අධ්‍යාපන...

කන්න බැරි හාල් කිලෝ තිස්දාහක් බෙදන්න ගිහින්

අඩු ආදායම්ලාභි පවුල් වලට බෙදාහැරිම සදහා රැගෙන විත් තිබු සහල් කිලෝ තිස්දහසකට ආසන්න ප්‍රමාණය මිනිස් පරිභෝජනයට සුදුසු මට්ටමක නොතිබිම නිසා ආපසු හරවා යැවිමට කරුවලගස්වැව...

ගාසා ළමා අරමුදලට කාත්තන්කුඩියෙන් රුපියල් කෝටියක්

ගාසා තීරයේ ගැටුම් පිළිබඳ ශ්‍රි ලංකාවේ ස්ථාවරත්වය කිසි විටෙකත් වෙනස් නොවන බවත්, වසර 05ක් තුළ පලස්තීන රාජ්‍ය පිහිටුවිය යුතුය යන්න ශ්‍රී ලංකාවේ ස්ථාවරය වන...

POPULAR ARTICLES

හෙට පාසල් පැවැත්වීම ගැන විශේෂ නිවේදනයක්

පාසල් කටයුතු හෙට (24) දිනයේ සාමාන්‍ය පරිදි සිදු කෙරෙන බව අධ්‍යාපන අමාත්‍යංශය නිවේදනයක් නිකුත් කරමින් පවසනවා. සිය සේවාව සඳහා සේවා ව්‍යවස්ථාවක් සැකසීම ඇතුළු ඉල්ලීම් කිහිපයක්...

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

නිරුවතින් පිහිනන්න ඕස්ට්‍රේලියානුවන් 3000ක් ඇවිත්

ශීත සෘතුව සනිටුහන් කිරීමට ඕස්ට්‍රේලියාවේ හෝබාර්ට් හි ඩර්වෙන්ට් නදියේ නිරුවත් පිහිනුම් ක්‍රීඩා ඉසව්වක් සංවිධානය කර තිබෙනවා. Dark Mofo නමින් හඳුන්වන මෙම ක්‍රීඩා උත්සවයට ක්‍රීඩකයින් 3,000ක්...