25 C
Colombo
Friday, December 3, 2021

“ජනාධිපතිගේ කතාවට අපි විරුද්ධයි” – වරාය වෘත්තිය සමිති කියයි

- Advertisement -

ශ්‍රී ලංකා රජයට සියයට 51 ක් තබාගෙන සෙසු කොටස අදානි සමාගම ඇතු`ඵ වෙනත් පාර්ශ්වයන්ට දෙනවාට තමන් විරුද්ධ යැයි වරාය වෘත්තිය සමිති පවසයි.

වෘත්තිය සමිති නියෝජිතයන් මෙම අදහස් පළ කරන්නේ ජනාධිපතිවරයා සමග පැවැත් වූ සාකච්ඡා අසාර්ථකවීමෙන් පසුවය.

ශ්‍රී ලංකා රජයට සියයට 51 ක් තබාගෙන ඉතිරිය ඉන්දියාවේ අදානි සමාගමට හා වෙනත් පාර්ශ්වයන්ට හවුල් විය හැකි අයුරින් කොළඹ වරායේ නැගෙනහිර පර්යන්තය සංවර්ධන ව්‍යාපෘතිය ආරම්භ කිරීමට රජය තීරණය කර ඇතැයි ජනාධිපති ගෝඨාභය රාජපක්ෂ මහතා ඔවුන් හමුවේ පවසා ඇත.


ආර්ථික පුණර්ජීවනය පිළිබඳ ජනාධිපති කාර්යසාධක බළකායේ ප්‍රධානී බැසිල් රාජපක්ෂ ප්‍රමුඛ රජයේ නියෝජිතයන් හා වරාය වෘත්තිය සමිති 23 ක නියෝජිතයන් අතර මෙම සාකච්ඡාව සිදුවුවත් කිසිදු එකඟතාවයකට පැමිණීමට හැකියාවක් ලැබී නැත. 

පසුගිය රජය පර්යන්තය ඉන්දියාවට විකිණීමට ගිවිසගෙන තිබූ බවත් විකිණීමෙන් පසු ජපානයෙන් ණයක් ගෙන එම මුදලින් උපකරණ මිලදී ගැනීමටත් ගිවිසුමේ කරුණු සඳහන්ව තිබූ බවත් පවසා ඇති ජනාධිපතිවරයා රජය ගැන කිසිදු සැකයක් තබා නොගෙන මේ ව්‍යාපෘතියට අදහස් හා යෝජනා ලබාදෙන්නැයි වෘත්තිය සමිති නියෝජිතයන්ගෙන් ඉල්ලා ඇත. 

රටේ ස්වෛරීභාවයට ස්වාධීනත්වයට කිසිදු හානියක් වීමට තමා ඉඩ නොතබන බවට පොරොන්දු වී ඇති හෙතෙම රජය ඉන්දියාව සමග පැරැණි ගිවිසුම ගැන සාකච්ඡා කර පර්යන්තයේ පාලනය ශ්‍රී ලංකා වරාය අධිකාරියට තබාගැනීමට උත්සාහ කරන්නේ යැයි ද පවසා ඇත. 

කෙසේ වෙතත් අදාළ හමුවෙන් පසුව වාණිජ කර්මාන්ත හා සේවා ප්‍රගතිශීලී සේවක සංවිධානයේ ප්‍රධාන ලේකම් ශාමල් සුමනරත්න මහතා පැවැසුවේ ජනාධිපතිවරයා භූ දේශපාලන හා ආර්ථික ප්‍රශ්න ගැනත් නැගෙනහිර පර්යන්තය ඉන්දියාවට නොදුන්නොත් ආර්ථික වශයෙන් අපට කොයිතරම් පාඩු වන්නේද කියාත් විශාල වශයෙන් කරුණු පැහැදිලි කළ බවයි.

එහෙත් වෘත්තිය සමිති ස්ථාවරය එය නොවන බැවින් ජනාධිපතිවරයාගේ කතාව සමඟ එකඟවෙන්නට තමන්ට නොහැකි යැයි ද එමනිසා මේ පිළිබඳ පත් කර ඇති කැබිනට් කමිටුව සමග වෘත්තිය සමිතිවලට සාකච්ඡාවක් දෙන හැටියටත් එතෙක් තීරණයක් නොගන්නා හැටියටත් ජනාධිපතිවරයාගෙන් ඉල්ලා සිටියේ යැයි ද සුමනරත්න මහතා කීය.

RECENT ARTICLES - SINHALA

ඔමික්‍රෝන් ඉන්දියාවටත් කඩා වදියි

0
ඔමික්‍රෝන් කොවිඩ් ප්‍රභේදය ආසාදනය වූ පුද්ගලයින් දෙදෙනෙක් අසල්වැසි ඉන්දියාවෙන් හමුවී තිබෙන බව වාර්තා වෙයි. එරට මාධ්‍ය පැවසුවේ ආසාදිතයින් දෙදෙනෙක්...

චීනය මෙරට විදුලිය ව්‍යාපෘතියක් අත්හිටුවීමට තීරණය ක‍රයි

ඩෙල්ෆ්,නයනතිව්,අනලතිව් දූපත් වල ක්‍රියාත්මක කිරීමට සූදානම් වූ විදුලිය ව්‍යාපෘති අත්හිටුවීමට තීරණය කළ බව මෙරට චීන තානාපති කාර්යාලය පවසනවා. ඒ,...

බාල චීන පොහොර නැව තවමත් ශ්‍රී ලංකා මුහුදේ

උපද්‍රවකාරී ක්ෂුද්‍ර ජීවින් ඇති බවට දෙවරක් තහවුරු කරන ලද චීන පොහොර තොගය රැගත් හිපෝ ස්පිරිට් නෞකාව තමත් ශ්‍රී ලංකා මුහුදු තීරයේ රැඳී...

RECENT ARTICLES - ENGLISH

Allow MPs to attend universities without facing entrance examinations

0
Parliamentarians should be allowed to enrol in the Sri Lanka Law College or any other university to further their studies, Chief Opposition...

Azath Salley acquitted and released by Court

0
Former Western Province Governor Azath Salley was acquitted of charges of creating communal disharmony this morning (2) by Colombo High Court judge...

Gas explosions: Authorities to obtain reports on gas smell

0
It has been decided to the release the gas to the local market after obtaining a report on gas smell, during the...