28 C
Colombo
Saturday, April 19, 2025

ලෝකෙ ලොකුම සටනට කලින්- සල්ලි බෙදාගන්න ගැටුමක්

- Advertisement -

ලබන අවුරුද්දේ පවත්වන්න නියමිත, මෑත ලෝක ඉතිහාසයේ ලොකුම බොක්සින් මැච් එක තමයි ඇන්තනි ජොෂුවා සහ ටයිසන් ෆියුරි අතර මැච් එක. ඒක තමයි අවුරුදු කිහිපයක් තිස්සේ හැමෝම කතාකරපු ඩ්‍රීම් මැච් එක.

දැන් වාර්තාවෙන විදියට මේ මැච් එකේදී ලැබෙන අපට හීනෙංවත් හිතන්න බැරි තරම් දැවැන්ත සල්ලි මල්ල සීයට 50 ගාණේ සම සමව ජොසුවා සහ ෆියුරි අතර බෙදෙනවාලු.

‘කොමර්ෂල් වටිනාකම අතින් ඇන්තනි ජොෂුවා ඉන්නේ ටයිසන් ෆියුරිට වඩා උඩින් වෙනම ලෝකෙක.’ පහුගිය සතියේ මාධ්‍ය සාකච්ඡාවකදී සීයට පණහ ගාණේ සල්ලි බෙදන යෝජනාවට එකඟ වෙමින්. ඒත් තමන්ගේ පැත්තට වැඩිපුර සල්ල ලැබුණානං හොඳයි කියා ඉඟි කරමින්.

බොක්සින් ලෝකෙ ප්‍රධාන චැම්පියන්ෂිප් ටයිටල් කිහිපයක් තියෙනවා.

ඇන්තනි ජොෂුවා තමයි දැන් WBA (Super)IBFWBO සහ IBO කියන චැම්පියන්ෂිප් ඔක්කොම තියාගෙන ඉන්නේ. ඒත් WBC ටයිටල් එක තියෙන්නේ ටයිසන් ෆියුරි අතේ.

දැන් බොක්සින් ලෝකෙ ප්‍රධාන බොක්සින් සංගම්වලින් දෙන ප්‍රධාන චැම්පියමොෂිප් කිහිපයක් තියෙනවානේ. ඒ නිසා ලෝකෙ හොඳම චැම්පියන් කවුද කියලා, ඒ සංගම්වලට පිටින් දෙන චැම්පියන්ෂිප් දෙකක් තියෙනවා. ඒ අනුව ‘ද රිංග්’ සඟරාවෙන් ලෝකෙ හොඳම චැම්පියන් කියලා දෙනවා ටයිටල් එක. එයාව කවදාහරි පැරැද්දුවොත්, පරද්දන කෙනාට ඒ ටයිටල් එක යනවා. තව තියෙනවා ලිනීයල් ටයිටල් එක කියලා එකක්. ඒකෙදී කියන්නේ මොහොමඩ් අලීලාගේ, මයික් ටයිසන්ලාගේ කාලෙ ඉඳන් එන ලෝකෙ අංක එකේ බොක්සින් ශූරයා පරද්දපු කෙනාට ලැබෙන ටයිටල් එක.

දැන් කවුද වැඩිපුර වටින්නේ, මැච් එකේ උපයන සල්ලිවලින් වැඩි කොටසක් කාටද යන්න ඕනේ කියලා වාදයක් ඇන්තනි ජොෂුවාගේ පැත්තෙන් පටන් අරන් තියෙන්නේ, මැච් එකට කලින් පොඩි මානසික ගේමක් විදියට. ජොෂුවාගේ පැත්තෙන් හර්න් කියන්නේ මෙහෙම.

‘නිකම් බලන්න ඒජේ (ඇන්තනි ජොෂුවා) ගන්න ඩීල්, එයා උපයන සල්ලි ගාණ. අනෙක, මේ දෙසැම්බර් මාසෙ මැච් එකක් ඕගනයිස් කරන්න ටයිසන් ෆියුරිට බැරි වුණේ, එයාට සල්ලි හොයන්න පු‍ළුවන් පේ-පර්-වීව් ඩීල් එකක් ඇමෙරිකාව ඇතුළෙං හොයාගන්න බැරි වුණ නිසා. එයාට ඒජේ එක්ක මැච් එකේ සල්ලිවලිං සීයට 50ක් ගන්නවානං ගත්තාවෙ. ඒත්, එයාට ඒකට සුදුසුකමක් නෑ.’

ඇත්තටම මේ දෙසැම්බර් මාසෙ ඇන්තනි ජොෂුවා ෆයිට් එකකට බහිනවා. ඒ ලන්ඩන් ඕටූ ඇරීනා එකේදී කුබ්රාන් පුලෙව්ට විරුද්ධව. ඇත්තටම මේක ෆියුරි එක්ක ෆයිට් එකට ලෑස්තිවීමක්. ඒත්, ෆියුරිගේ පැත්තෙන් ජොෂුවාගේ මැච් එකට සූදානම් වීමේ ෆයිට් එකක් ඕගනයිස් කරලා නෑ.

කොහොම වුණත් දැනටමත් ජොෂුවාගේ පැත්තෙන් කියා තියෙන්නේ, පුලෙව්ගේ මැච් එක ඉවරවුණ ගමං බොක්සිං සංගම් ඉස්සරහට ගිහින් ෆියුරි එක්ක මහා සටනට දිනයක් දාගන්නවා කියලයි. තාම ෆයිට් එකට තැනක් දාගෙන නෑ. සාමාන්‍යයෙන් ලෝකෙ ලොකුම බොක්සින් ෆයිට් ඇමෙරිකාවෙ ලාස් වේගාස්වල එම්ජීඑම් ග්‍රෑන්ඩ් වගේ තැනක පවත්වනවා. හොඳට සල්ලි අදින්න පුළුවන් නිසා.

ඒත්, ජොෂුවා එංගලන්තකාරයෙක්. ඒ නිසා එයාගේ පැත්තෙන් යෝජනා කරන්නේ ලන්ඩන්වල මැච් එක තියන්න කියලයි. ඔය ටයිසන් ෆියුරිට සල්ලි අදින්න බෑ, ජොෂුවාට තමයි සල්ලි අදින්න පුළුවන් වගේ කතන්දර මතු වෙන්නට දෙවැනි හේතුව ඒක. ජොෂුවාගේ පැත්තෙන් කියන්නේ, ජොෂුවා වැඩිපුර ජනප්‍රිය නිසා වැඩිපුර සල්ලි හොයන්න නං ලන්ඩන්වල මැච් එක තියන එක හොඳයි කියලා.

ඒකෙන් ලන්ඩන්වල මිනිස්සුන්ගේ වැඩිපුර චියර්ස් ජොෂුවාට ලැබෙනවා. දේශගුණය ඇතුළු ලන්ඩන්වල තත්වයේ ඔක්කොම වාසි ටික ජොෂුවාට එනවා.

RECENT ARTICLES - SINHALA

ආණ්ඩුවට අපි නිකන් ඉන්න දෙන්නේ නැහැ – නාමල්

රාජපක්ෂලා විසින් උගන්ඩාවේ සඟවාගෙන සිටි මුදල් මෙන්ම විදේශ රටවල සඟවාගෙන සිටි මුදල් රැගෙන එන තාක් සහ රාජපක්ෂ පවුලට අයත් බව කියන විදේශ රටවල තිබෙන...

මනම්පිටියේ වෙඩි තැබීමක්

මනම්පිටිය ප්‍රදේශයේ දේවස්ථානයක් ආසන්නයේ මීට සුළු මොහොතකට පෙර වෙඩි තැබීමක් සිදුව තිබෙනවා. වෙඩි තැබීමෙන් කිසිවෙකුටත් හානියක් සිදුව නොමැති අතර සිද්ධිය සම්බන්ධව මනම්පිටිය පොලීසිය වැඩිදුර විමර්ශන සිදුකරනු...

පිල්ලයාන්ගේ රියදුරු ලෙස කටයුතු කළ අයෙක් CID අත්අඩංගුවට

හිටපු රාජ්‍ය අමාත්‍ය සිවනේෂතුරෙයි චන්ද්‍රකාන්තන් හෙවත් පිල්ලෙයාන්ගේ රියදුරු ලෙස කටයුතු කළ පුද්ගලයෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා. ඒ නැගෙනහිර විශ්ව විද්‍යාලයේ හිටපු...

POPULAR ARTICLES

ආසියානු යොවුන් මලල ක්‍රීඩා ශූරතාවලියෙන් ලංකාවට පදක්කම් 2ක්

වයස අවුරුදු 18න් පහළ ආසියානු යොවුන් මලල ක්‍රීඩා ශූරතාවලියේ අද (18) පැවති තරගයකින් රන් පදක්කමක් දිනාගැනීමට තරුෂි අභිෂේකා සමත් වුණා. කාන්තා මීටර් 800 තරගය...

ආණ්ඩුවට අපි නිකන් ඉන්න දෙන්නේ නැහැ – නාමල්

රාජපක්ෂලා විසින් උගන්ඩාවේ සඟවාගෙන සිටි මුදල් මෙන්ම විදේශ රටවල සඟවාගෙන සිටි මුදල් රැගෙන එන තාක් සහ රාජපක්ෂ පවුලට අයත් බව කියන විදේශ රටවල තිබෙන...

මනම්පිටියේ වෙඩි තැබීමක්

මනම්පිටිය ප්‍රදේශයේ දේවස්ථානයක් ආසන්නයේ මීට සුළු මොහොතකට පෙර වෙඩි තැබීමක් සිදුව තිබෙනවා. වෙඩි තැබීමෙන් කිසිවෙකුටත් හානියක් සිදුව නොමැති අතර සිද්ධිය සම්බන්ධව මනම්පිටිය පොලීසිය වැඩිදුර විමර්ශන සිදුකරනු...