කොවිඩ් 19 වසංගතය මේ වන විට සෞඛ්‍ය සේවාවට අවශ්‍ය ආකාරයට හසුරුවීමට හෝ පාලනය කරගැනීමට හැකියාවක් නැති බවත් වෛරසය හැසිරෙන ආකරය නිරීක්ෂණය කර වෛරසය අනුගමනය කිරීම හැර වෙනත් විකල්පයක් නැති බවත් මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසයි.
‘ලංකාවේ බොහෝ ප්‍රදේශ ගත්තහම අපිට ඕන විදිහට කොවිඩ් වෛරසය හැසිරෙන්න නැහැ. ඒ වගේම පාලනය කරගන්න බැහැ කියන එක පැහැදිලිව පේනවා. ඒකෙන් අනික් පැත්තට අපි කියන්නේ නැහැ සෞඛ්‍ය බලධාරීන් හෝ සෞඛ්‍ය සේවකයන් රාජකාරි කරන්නේ නැහැ කියල. නමුත් තවදුරටත් කොවිඩ් 19 වසංගතය සෞඛ්‍ය සේවාවට ඕන විදිහට හසුරුවන්නවත් පාලනය කරගන්නවත් හැකියාව නැහැ කියන එක තමයි අපට පෙනෙන්නේ. ‘ ඔහු මෙසේ පැවසීය.
