ජනාධිපති රනිල් වික්රමසිංහ මහතාගේ ජාත්යන්තර දේශගුණික විපර්යාස පිළිබඳ උපදේශක සහ හිටපු නෝර්වේ විදේශ කටයුතු අමාත්ය එරික් සෝල්හයිම් මහතා ඊයේ (01) යාපනය, මණ්ඩතිව් පිහිටි කඩොලාන පරිසර පද්ධතිය නිරීක්ෂණයට ලක්කර තිබෙනවා.
කඩොලාන ශාකවල ස්වභාවික ප්රතිලාභ සහ මණ්ඩතිව් හි කඩොලාන පරිසර පද්ධතිය පිළිබඳව එහිදි අවධානය යොමු කර ඇති බවයි වාර්තා වෙන්නේ.
ගංවතුර ආපදා වළක්වා ගැනීමට සහ ජලජ ජීවීන්ගේ බහුලත්වය වැඩි කිරීමට මණ්ඩතිව් කලාපයේ වැඩෙන කඩොලාන ශාකවල දායකත්වය හා එම දායකත්වය ඉහළ නැංවීම සඳහා ගතයුතු ක්රියාමාර්ග පිළිබඳවද එහිදි සොයා බැලීමට සෝල්හයිම් මහතා කටයුතු කර තිබුණා.
නිරීක්ෂණ චාරිකාවට උතුරු පළාත් ආණ්ඩුකාර පි.එස්.එම්.චාර්ල්ස් මහත්මිය හා පරිසර සංවිධාන නියෝජිතයින් පිරිසක් එක්ව සිටියා.
මේ අතර, එරික් සෝල්හයිම් මහතා සහ උතුරු පළාත් ආණ්ඩුකාර පී. එස්. එම්. චාල්ස් මහත්මිය අතර සාකච්ජාවක් පසුගියදා (30) සවස යාපනය,පිහිටි උතුරු පළාත් ආණ්ඩුකාර කාර්යාලයේදී පැවැත්වුණා.
දිවයිනට පැමිණ සිටින එරික් සෝල්හයිම් මහතා උතුරු පළාතේ වත්මන් තත්ත්වය, නැවත පදිංචි කිරීමේ කටයුතුවල ප්රගතිය, ඉදිරි සංවර්ධන කටයුතු, පරිසරය සහ ආපදා කළමනාකරණ කටයුතු පිළිබඳව එහිදි සාකච්ජා කර ඇති බවයි වාර්තා වෙන්නේ.
යුධ සමයේ ජාත්යන්තර සාම නියෝජිත ලෙස එරිල් සෝල්හයිම් මහතා කටයුතු කළ අතර, හෙතෙම එවක අවස්ථා රැසකදී උතුරු පළාතට පැමිණ තිබුණා.