29.3 C
Colombo
Saturday, April 13, 2024

උදයංග බලන්න ගිය යුක්‍රේන ජාතියන් 3කට කොවිඩ්

- Advertisement -

මත්තල ජාත්‍යන්තර ගුවන් තොටුපොළ වෙත පැමිණි යුක්‍රේන ජාතිකයින් තිදෙනෙකු කොවිඩ් 19 ආසාදිතයන් ලෙස හඳුනාගෙන ඇති බව සෞඛ්‍ය අමාත්‍යාංශය දෙසැම්බර් 30 වන නිවේදනය කර ඇත.

දෙසැම්බර් 28 වැනි දිනයේදී මෙම පිරිස මත්තල ගුවන් තොටුපොළ වෙත පැමිණිමෙන් අනතුරුව ඔවුන්ට සිදු කළ පී.සී.ආර් පරීක්ෂණවලදී මේ බව හදුනාගෙන ඇත.

මෙම සංචාරකයන් පිරිස මෙරටට ගෙන්වීමට මුල්වී ඇත්තේ දෙසැම්බර් 26 වැනිදා රුසියානු ව්‍යාපාරික පිරිසක් මෙරටට සංචාරය සඳහා කැඳවාගෙන එන්නට ආරම්භ කළ වැඩසටහනේම දෙවන පියවර ලෙසිනි.

නියමු ව්‍යාපෘතිය

උදයංග වීරතුංගගේ මැදිහත්වීමෙන් මෙරටට රුසියානු සංචාරකයන් 14,000ක් රැගෙන ඒමේ ව්‍යාපෘතියක් ක්‍රියාත්මක කර තිබුණි. කුලි පදනම මත සංචාරකයන් කැඳවාගෙන එන්නට ලබාගත් ස්කයි අප් ගුවන් සේවයේ (Sky-Up Airline ) PQ555 දරන ගුවන් යානය දෙසැම්බර් 28 දින පස්වරු 2.00 ට මත්තල ගුවන් තොටුපළ වෙත පැමිණ තිබුණි.

එම යානය තුළ නියමුවන් දෙදෙනා ඇතුළු ගුවන් යානා කාර්යය මණ්ඩලය 11 දෙනෙකු සිටින බව වාර්තා වේ. වීරතුංග මහතාගේ නියෝජනයෙන් වත්මන් රජය විසින් ක්‍රියාත්මක කරන මෙම ‘නියමු ව්‍යාපෘතිය’ යටතේ ගුවන් යානා 13 ක් මගින් මත්තල ගුවන් තොටුපළ වෙත විදේශීය සංචාරකයන් රැගෙන ඒමට නියමිතය.

උදයංගගේ පැමිණිම

මත්තල ගුවන්තොටුපලට පැමිණි පළමු යුක්‍රේන සංචාරක කණ්ඩායම පිළිගැනීමට උදයංග වීරතුංග මහතා එදින මත්තල රාජපක්ෂ ගුවන් තොටුපොළටම ගොස් තිබුණි. ඒ් බව මාධ්‍ය හරහා වාර්තා විය.

එම සංචාරකයන් ගුවන්තොටුපලේ දීම මුණ ගැසී තිබුණේ මෙරට දී සිදුකළ PCR ප්‍රතිඵල ලැබීමට පෙර වන අතර ඔහු කිසිදු ආරක්ෂිත ඇඳුමක් ඇඳ සිටියේ ද නැත. එසේ නම් වීරතුංග මහතාද පීසීආර් පරීක්ෂණයකට යොමු කර යුතු අතර ඔහුව නිරෝධායනය කළ යුතුවේ.

මහින්ද රාජපක්ෂ මහතා ජනාධිපතිව සිටි සමයේ රුසියාවේ හා යුක්රේනය තානාපති ලෙස කටයුතු කළේ ඔහුගේ ඥාති පුත්‍ර උදයංග වීරතුංගය. මිග් යානා ගනුදෙනුව ඇතුළු අපරාධ චෝදනා කිහිපයක් සම්බන්ධයෙන් ඔහුට ජාත්‍යන්තර රතු වරෙන්තු ද නිකුත් කර තිබුණි.

RECENT ARTICLES - SINHALA

අලුත් අවුරුද්ද උදා වෙයි

සිංහල අවුරුදු නැකැත් පත්‍රයට අනුව 2024 සිංහල සහ දෙමළ අලුත් අවුරුද්ද මීට සුළු මොහොතකට පෙර උදා වුණා. අද (13) අපර භාග 2.41 සිට ඉරිදා...

අවුරුදු දවසේ මිරිස්ස උණුසුම් කළ විරෝධය

සමස්ත ලංකා පොදු ධීවර සම්මේලනය ගාල්ල මාතර ප්‍රධාන මාර්ගයේ මිරිස්ස නගරයේදී අද මෙලෙස විරෝධතාවයක නිරත වූයේ වර්තමානයේ ධීවර ප්‍රජාව මුහුණදෙන ගැටළු කිහිපයක් මුල් කර...

බණ්ඩාරවෙලදී වෑන් රථයක් ප්‍රපාතයකට පෙරළීමෙන් 6කට තුවාල

බණ්ඩාරවෙල - උඩපාර ප්‍රදේශයේදී අද (13) පස්වරුවේ වෑන් රථයක් මාර්ගයෙන් ඉවතට පැන අඩි 150ක පමණ ප්‍රපාතයකට පෙරලී ගොස් තිබෙනවා. මෙම අනතුරෙන් වෑන් රථයේ ගමන් ගත්...

POPULAR ARTICLES

2024 අවුරුදු නැකැත් සීට්ටුව මෙන්න

හෙට (13) රාත්‍රියේ උදාවන සිංහල හා දෙමළ අලුත් අවුරුද්ද පිළිගැනීම සඳහා මේ වනවිට ශ්‍රී ලංකිකයින් සූදානම් වෙමින් සිටිනවා. රාජ්‍ය නැකත් කමි­ටුව මඟින් සකස් කරන...

තෙල් සංස්ථාවෙන් දැනුම්දීමක්

සිංහල දෙමළ අලුත් අවුරුදු උත්සව සමය තුළ සිපෙට්කෝ ඉන්ධනහල් මගින් අඛණ්ඩ ඉන්ධන සැපයුමක් සඳහා අවශ්‍ය ක්‍රියාමාර්ග ගෙන ඇති බව ලංකා ඛණිජ තෙල් නීතිගත සංස්ථාව...

අද ඩොලරය

ශ්‍රී ලංකාවේ වාණිජ බැංකු කිහිපයකට අනුව  අද (11) දිනයේ රුපියල, එක්සත් ජනපද ඩොලරයට සාපේක්ෂව නොවෙනස්ව පවතිනවා. සෙලාන් බැංකුවට අනුව, එක්සත් ජනපද ඩොලරයේ ගැනුම් සහ විකුණුම්...