ඔන්ලයින් ඉගැන්වීම්වලින් ඉවත් වෙමින් ගුරුවරුන් විසින් ආරම්භ කර ඇති වර්ජනයට අදට දින 07 ක් සම්පූර්ණ වේ.
ගුරු වෘත්තීය සමිති 14 ක සාමාජිකයන් මෙම වර්ජනය අරඹනු ලැබුවේ වැටුප් විෂමතා ඉවත් කිරීම, කොතලාවල පනත අහෝසි කිරීම ඇතුළු ඉල්ලීම් කිහිපයක් මුල්කර ගනිමින් ය.
ලංකා ගුරු සංගමයේ ලේකම් ජොශප් ස්ටාලින් මහතා අද (18) කොළඹදී පැවති මාධ්ය හමුවකදී සඳහන් කර සිටියේ මෙරට අධ්යාපන කටයුතු සංවර්ධනය කිරීම වෙනුවෙන් ලෝක බැංකු විසින් පසුගිය වසරේදී ලබාදුන් මුදල්වලට සිදුවූයේ කුමක්ද යන්න පිළිබඳව ආණ්ඩුව රටට පැහැදිලි කළයුතු බවයි.
එමෙන්ම, බළධාරීන් සිය ඉල්ලීම්වලට ප්රතිචාර නොදැක්වීම නිසා ලබන 22 වැනිදා මෙම වර්ජනය තවදුරටත් දැඩි කිරීමට තීරණය කළ බවයි ඒ මහතා පවසන්නේ.
තමන්ගේ මුදල් වැයකර ඔන්ලයින් අධ්යාපන කටයුතු සිදු කරන ගුරුවරුන්ට කිසිදු පහසුකමක් ලබාදීමට රජය මෙතෙක් අසමත් වී ඇති බවත් ස්ටාලින් මහතා අවධාරණය කරනවා.