දින 10 ක කාලයක් පමණක් රට වසා තැබීම කිසිසේත්ම ප්රමාණවත් නොවන බව ප්රජා වෛද්ය විශේෂඥ නිහාල් අබේසිංහ මහතා පවසනවා.
ජාතික ජන බලවේගය අද පැවැත්වූ මාධ්ය හමුවකට සහභාගිවෙමින් වෛද්යවරයා පවසා සිටියේ කොවිඩ් වෛරසයේ බීජෞෂණ සමය පිළිබඳව විද්යාත්මකව සලකා බැලූවිට දින 10ක කාලයක් යනු ප්රමාණවත් කාලයක් නොවන බවයි.
ආසාදිතයෙකුගෙන් තවකෙකුට වෛරසය සම්ප්රේෂණය වීමේ හැකියාවක් දින 14ක් පමණ කාලයක් පුරාවට පවතින බවත් එබැවින් අවම වශයෙන් දින 14ක්වත් රට වසා තැබිය යුතු බවත් ඔහු පෙන්වා දෙනවා.
අවුරුදු 60 වැඩි ජේෂ්ඨ පුරවැසියන් ඇන්ටිජන් පරීක්ෂණ නැවත නැවත කර ගත යුතු බවට කවුරුන් හෝ ජනාධිපතිවරයාට වැරදි උපදෙස් ලබා දී ඇති බවත් සංගතය මැඩපැවැත්වීම සඳහා එන්නත්කරණය පමණක් ප්රමාණවත් නොවන බවත් ඔහු තවදුරටත් පවසා සිටියා.
මුඛාවරණ පැළඳීම, අත් සේදීම සහ සමාජ දුරස්ථභාවය රැක ගැනීම ආදී මූලික නිරෝධායන ක්රියාමාර්ග අනුගමනය කිරීම අනිවාර්යයෙන් සිදු කළ යුතු බවත් වෛද්යවරයා අවධාරණය කරනවා.