35 C
Colombo
Tuesday, February 27, 2024

අධ්‍යාපන ඇමති ඉදිරියේ ලැප්ටොප් 10 ක් දරුවන්ට දී 5 ක් ආපහු ගෙනිහින්

- Advertisement -

අධ්‍යාපන අමාත්‍යාංශය හා දුරකතන සමාගමක් එක්ක වලල්ලාවිට දොඩම්පාපිටිය කනිෂ්ඨ විද්‍යාලයේ දරුවන්ට බෙදාදුන් ලැප්ටොප් පරිගණක 10 කින් 5 ක් නැවත රැගෙන ගොස් ඇති බවට දෙමාපියන් චෝදනා කරනවා.

අධ්‍යාපන අමාත්‍ය ජී.ඇල්.පීරිස් මහතාගේ ප්‍රධානත්වයෙන් පැවති උත්සවයකදී මතුගම කලාපයේ පාසල්වල ඉගෙනුම් පහසුකම් නැංවීමේ වැඩසටහන යටතේ මෙම ලැප්ටොප් පරිගණක යන්ත්‍ර එම දරුවන්ට ලබාදී තිබෙනවා.

එම අවස්ථාවන අධ්‍යාපන රාජ්‍ය අමාත්‍ය පියල් නිශාන්ත මහතා, පාර්ලිමේන්තු මන්ත්‍රී සංජීව එදිරිමාන්න මහතා සහ මතුගම කලාප අධ්‍යාපන අධ්‍යක්ෂ ලාල් දිසානායක යන මහත්වරුන්ද සහභාගී වුණා.

එහිදී දරුවන්ට එම ලැප්ටොප් පරිගණක බෙදාදීම, දරුවන් ඒවා පරිහරණය කරන ආකාරය වීඩියෝගත කිරීම, ජායාරූපගත කිරීම යනාදියෙන් පසුව ලැප්ටොප් පරිගණක 5 ක් යළි රැගෙන ගිය බවයි දෙමාපියන් පවසන්නේ.

කෙසේ වෙතත් මේ සම්බන්ධයෙන් අදහස් දක්වන මතුගම කලාප අධ්‍යාපන අධ්‍යක්ෂ ලාල් දිසානායක මහතා පවසන්නේ මතුගම කලාපයේ පාසල්වල ඉගෙනුම් පහසුකම් නැංවීම සඳහා අධ්‍යාපන අමාත්‍යාංශය ක්‍රියාත්මක කරන මෙම වැඩසටහන යටතේ මෙම පාසලට හිමිවන්නේ ලැප්ටොප් පරිගණක 5 ක් සහ එක් ප්‍රක්ෂේපන යන්ත්‍රයක් (Projector) පමණක් බවයි.

දොඩම්පාපිටිය කනිෂ්ඨ විද්‍යාලයේ ඉගෙනුම ලබන දරුවන් 51 දෙනා අතරින් 4 වන ශ්‍රේණියේ ඉගෙනුම ලබන තෝරාගත් දරුවන් කිහිප දෙනෙක්ට එම ලැප්ටොප් යන්ත්‍ර සංකේතාත්මකව ලබාදී දරුවන්ගේ ඉගෙනුම් කටයුතු සඳහා ගුරුවරුන්ට භාරදුන් බවද කලාප අධ්‍යාපන අධ්‍යක්ෂවරයා පවසනවා.

පාසලට ලැබුණේ ලැප්ටොප් යන්ත්‍ර 5 ක් පමණක් වුවත් ඒ මොහොතේ එතැන සිටි දරුවන් 10 දෙනෙක්ට සංකේතාත්මකව පරිගණක ලබාදුන් බවත් එය වරදවා වටහා ගත් දෙමාපියන් ගමේ වැරදි මතයක් ඇතිකරමින් යන බවත් ඔහු සදහන් කළා.

මේ දරුවන්ට මේ ආකාරයෙන් හෝ පහසුකම් ලැබීම ගැන ඔවුන් සතුටු විය යුතු බවද මතුගම කලාප අධ්‍යාපන අධ්‍යක්ෂ ලාල් දිසානායක මහතා වැඩිදුරටත් පවසනවා.

RECENT ARTICLES - SINHALA

ව්‍යවසායකයින් ශක්තිමත් කරන්න ණය යෝජනා ක්‍රමයක්

ක්ෂුද්‍ර ,සුළු හා මධ්‍ය පරිමාණ ව්‍යවසාය අංශය නැවත පණ ගැන්වීම සඳහා ණය යෝජනා ක්‍රමයක් ක්‍රියාත්මක කිරීමට කැබිනට් අනුමැතිය ලැබී තිබෙනවා. රජය පවසන්නේ සුළු හා මධ්‍ය...

සැමියාගේ පහරදීමෙන් බිරිඳ මරුට

නොරෝච්චෝල - කරඹ ප්‍රදේශයෙ සිය සැමියාගේ පහර කෑමට ලක්වී බිරිඳ අද (27) මරණයට පත්ව ඇති බව නොරෝච්චෝල පොලිසිය පවසනවා. මෙලෙස මිය ගොස් ඇත්තේ, නොරෝච්චෝල...

දස දහසක අල්ලස් මුදලක් ගත් පොලිසියේ දෙදෙ‍නෙක් අත්අඩංගුවට

රථ වාහන වරදක් සමතයකට පත්කර දීමට රුපියල් 10,000 මුදලක් අල්ලසක් වශයෙන් ලබාගත් ඉත්තෑපාන පොලිස් ස්ථානයේ පොලිස් සැරයන්වරයෙකු සහ පොලිස් කොස්තාපල්වරයෙකු අල්ලස් හෝ දුෂණ චෝදනා...

POPULAR ARTICLES

පාසල් විෂයන් ගණන අඩුවෙන්නේ මෙහෙමයි

06 වන ශ්‍රේණියෙන් ඉහළ දරුවන්ට දැනට පාසලේදී හැදෑරීමට ඇති අනිවාර්ය විෂය සංඛ්‍යාව ඉදිරියේ දී විෂයන් 07ක් දක්වා අඩු කිරීමට පියවර ගන්නා බව අධ්‍යාපන අමාත්‍ය...

හැනිබල්ටත් ICCයෙන් දඬුවමක්

පසුගිය 21 වනදා ශ්‍රී ලංකා කණ්ඩායම සමඟ පැවැති තෙවන සහ අවසන් විස්සයි විස්ස ක්‍රිකට් තරගයේ අවසන් පන්දුවාරයේ දී ඉනට ඉහළින් යොමු වූ පන්දුවක්, එම...

උසස් පෙළ අවසන් කළ සිසුන්ට සුබ පණිවිඩයක්

උසස් පෙළට පෙනී සිටි සිසු දරුවන් සඳහා වෘත්තිය පුහුණුව ලබන මස 05 වනදා සිට ආරම්භ කෙරෙන බව අමාත්‍ය සුසිල් ප්‍රේමජයන්ත මහතා පවසනවා. ඔහු මෙම අදහස්...