නීතී විරෝධී ලෙස සීෂෙල්ස් මුහුදු සීමාවට ඇතුළු වූයේ යැයි චෝදනා මත ශ්රී ලාංකික ධීවරයින් 12 දෙනෙකු අත්අඩංගුවට ගෙන තිබේ.
යාත්රා 02කින් සීෂෙල්ස් මුහුදු සීමාවට පැමිණ මෙම ධීවරයින් ධීවර කටයුතුවල නිරත වී ඇති අතර සීෂෙල්ස් ගුවන් හමුදාව සහ එරට වෙරළාරක්ෂක දෙපාර්තමේන්තුව එක්ව සිදුකළ විශේෂ මෙහෙයුමකදී මොවුන් අත්අඩංගුවට ගෙන ඇති බවයි විදෙස් මාධ්ය වාර්තා කරන්නේ.
මැයි මාසයෙන් පසුව නීතී විරෝධී ලෙස සීෂෙල්ස් මුහුදු සීමාවට ඇතුළු වූ ධීවර යාත්රා 05ක් එරට ආරක්ෂක හමුදා භාරයට ගෙන ඇති බවත් පැවසෙන අතර අත්අඩංගුවට ගත් ශ්රී ලාංකික ධීවරයින් සහ යාත්රා රඳවා තබාගෙන වැඩිදුර විමර්ශන සිදුකරන බව සීෂෙල්ස් මහජන ආරක්ෂක බලකාය සඳහන් කරයි.