පාදුක්ක සෞඛ්‍ය වෛද්‍ය නිලධාරී කාර්යාලය මගින් ස්වසන රෝග ලක්ෂණ සහිත පුද්ගලයින්ගේ සිදු කළ PCR පරීක්ෂණ 121 න් 120 දෙනෙකුට කොවිඩ් 19 වෛරසය ආසාධනය වී ඇති බවට හදුනාගෙන තිබෙනවා.
පාදුක්ක සෞඛ්‍ය වෛද්‍ය නිලධාරී වෛද්‍ය දුමිත්‍ර කහඳගම මහතා පවසන්නේ උණ තත්ත්වයක් පවතින හෝ නොපවතින වැඩිහිටි පුද්ගලයන් හට අනෙකුත් කොවිඩ් රෝග ලක්ෂණ ඇත්නම් ඒ අය බොහෝ දුරට කොවිඩ් රෝගයෙන් පෙළෙන පුද්ගලයින් විය හැකි බවයි.
එම නිසා එවැනි රෝග ලක්ෂණ සහිත රෝගීන් සිටියි නම් එම පුද්ගලයින් PCR හෝ රැපිඩ් ඇන්ටිජන් පරීක්ෂණයක් සඳහා යොමුවී රෝග තත්ත්වය තහවුරු කරගැනීම අත්‍යාවශ්‍ය බවයි.
එමෙන්ම එවැනි රෝග ලක්ෂණ පවතියි නම් ඔවුන් නිරෝධායනයට ලක්වීමද කළ යුතු බවද වෛද්‍ය දුමිත්‍ර කහඳගම මහතා පවසනවා.
