දිවයිනේ ප්‍රදේශ කිහිපයකට පවතින අයහපත් කාලගුණය හේතුවෙන් සිදුවූ ආපදා නිසා පුද්ගලයින් 17 දෙනෙකු ජීවිතක්ෂයට පත්වී ඇති බව ආපදා කළමනාකරණ මධ්‍යස්ථානය පවසනවා.
එමෙන්ම පුද්ගලයින් දෙදෙනෙකු තවදුරටත් අතුරුදන්ව සිටින බවයි වාර්තා වන්නේ.
දිවයිනේ දිස්ත්‍රික්ක 10ක ප්‍රාදේශීය ලේකම් කොට්ඨාස 88කට අයහපත් කාලගුණික තත්ත්වය හේතුවෙන් මේ වන විට බලපෑම් එල්ල වී තිබෙනවා.
ආපදා කළමනාකරණ මධ්‍යස්ථානය සඳහන් කරන්නේ පවුල් 67,000කට අධික සංඛ්‍යාවකට අයත් පුද්ගලයින් 271,110 දෙනෙකු මේ වන විට පීඩාවට පත්ව සිටින බවයි.
