පසුගිය ඉරිදා දිනයේ සිට ඇදහැලෙන අධික වර්ෂාවත් සමග ඇතිවූ ආපදා තත්ත්වයෙන් ඕමානයේ මරණ 17ක් වාර්තා වන බව විදෙස් මාධ්‍ය සඳහන් කරනවා.
මේ අතර එරට රජය විසින් ඕමානයේ ප්‍රදේශ රැසක පාසල් සහ රජයේ ආයතන වසා දැමීමටද තීරණය කර තිබෙනවා.
විදෙස් මාධ්‍ය වාර්තා කළේ අධික ජලගැලීම් හේතුවෙන් මෙම තීරණය ගෙන ඇති බවයි.
මේ වනවිට ප්‍රදේශ රැසක මුදාගැනීමේ මෙහෙයුම් ආරම්භ කර තිබෙනවා.
එසේම ඉදිරි දින කිහිපය තුළ ද එරට ප්‍රදේශ රැසකට අධික වැසි තත්ත්වයක් අපේක්ෂා කරන බව විදෙස් මාධ්‍ය වාර්තා තවදුරටත් සඳහන් කරනවා.
