කොවිඩ් වෛරසයෙන් ආරක්ෂාවීම සඳහා මුහුණු ආවරණ නොපැළඳි සහ සමාජ දුරස්ථභාවය තබා නොගැනීම යන චෝදනා මත පුද්ගලයින් 177 දෙනෙකු ඊයේ (25) දිනයේ අත්අඩංගුවට ගෙන ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසනවා.
අත්අඩංගුවට පත් පුද්ගලයින්ගෙන් 134 දෙනෙකු බස්නාහිර පළාතෙන් වන අතර ඉන් 34 ක් කොළඹින්, 50 ක් කළුතරින් හා 45 දෙනෙක් ගම්පහින් බවයි පොලීසිය සදහන් කරන්නේ.
2020 ඔක්තෝබර් 30 වන දින සිට මේ දක්වා කාලය තුළ නිරෝධායන රීති උල්ලංඝනය කිරීම සම්බන්ධයෙන් වැඩිම පිරිසක් අත්අඩංගුවට පත්ව තිබුණේ ඊයේ (26) දිනයේ බවයි අජිත් රෝහණ මහතා සඳහන් කරන්නේ.
ඒ අනුව මේ දක්වා අත්අඩංගුවට ගෙන ඇති මුළු සංඛ්‍යාව 3,647 ක් වනවා.
