ඇෆ්ගනිස්තානයේ නගරාශ්‍රිත ගැටුම් වර්ධනයවීම හේතුවෙන් සිවිල් වැසියන්ට සිදුවන හානි තවදුරටත් ඉහළ ගොස් තිබේ.
එක්සත් ජාතීන්ගේ මානව හිමිකම් පිළිබද මහකොමසාරිස් මිචෙල් බැචලේට අනුව ජූලි 09 සිට ගතවූ මාසයක කාලය තුළ පමණක් එම ගැටුම්වලින් සිවිල් වැසියන් 183 දෙනෙකු මියගොස් ඇත.
එම කාලය තුළ එහිදී තුවාල ලැබූ සිවිල් වැසියන්ගේ සංඛ්‍යාව 1180 ක් බව ද ඇය සදහන් කළාය.
ලෂ්කාර්ගා, කන්දහාර්, හේරාට් සහ කුන්දුස් යන නගරවලින් පමණක් මෙම මරණ සහ තුවාලවීම් වාර්තා වී තිබීම විශේෂත්වයකි.
ඉදිරිකාල සීමාවේ නගරාශ්‍රිත ප්‍රදේශවල ගැටුම් තවදුරටත් වර්ධනයවීමේ ප්‍රවණතාවයක් පවතින අතර ඒ හේතුවෙන් සිවිල් වැසියන්ට සිදුවන හානි තවදුරටත් ඉහළයා හැකි බවට විශ්වාස කෙරේ.
මේ අන්දමින් අෆ්ගනිස්තානයේ ලේ ගංගා ගලායාම වළක්වා ගැනීම සදහා තලේබාන් සංවිධානය සහ රජය වහා ගැටුම් නැවැත්විය යුතු බවද ඇය අවධාරණය කර තිබේ.
