සුවසැරිය සේවකයන්ට අපරාධ චෝදනා දාලා

1990 ‘සුවසැරිය’ ගිලන් රථ සේවාවේ සේවය කළ සේවකයින් තිදෙනෙකු අන්තනෝමතික ලෙස ඉවත්කිරීමට විරෝධය පලකරමින් එම සංගමයේ සේවකයින් අවස්ථා කිහිපයකදීම මාධ්‍ය වෙත අදහස් පලකර තිබුණා.
මීට අමතරව ඔවුන් මේ වන විට සුවසැරිය සේවක සංගමය නමින් වෘත්තීය සමිතියක්ද පිහිටුවාගෙන එම ගිලන් රථ සේවාව හරහා ඉමහත් සේවයක් සිදුකරන සේවයන් හට බලධාරීන් සළකන ආකාරය පිළිබදව කරුණු රැසක් අනාවරණය කළා.
මේ හේතුවෙන් ඔවුන්ට මේ වන විට අපරාධ චෝදනා යටතේ පරීක්ෂණයක් ක්‍රියාත්මක වන බවත් ඒ යටතේ චෝදනා කර ඇත්තේ රජය අපහසුතාවයට පත්කිරීම, සිවිල් ජනතාව බියට පත්කිරීම වැනි චෝදනාවන් බවත් සුවසැරිය සේවක සංගමය පවසනවා.