ඉදිරියේදී පැවැත්වීමට නියමිත ජනාධිපතිවරණය සහ මහ මැතිවරණය සඳහා රුපියල් බිලියන 20ක මුදලක් වැය වන බව මහ මැතිවරණ කොමිසමේ අධ්‍යක්ෂ සමන් ශ්‍රී රත්නායක මහතා පවසනවා.
මාධ්‍යවේදීන් අමතමින් සමන් ශ්‍රී රත්නායක මහතා සඳහන් කර ඇත්තේ තමන් මේ වන විටත් මේ සම්බන්ධයෙන් පාර්ලිමේන්තුවට සහ මුදල් අමාත්‍යාංශයට දැනුම් දී ඇති බවයි.
වත්මන් පාර්ලිමේන්තුවේ නිල කාලය 2025 දී අවසන් වන අතර ජනාධිපතිවරණය මේ වසරේ පැවැත්වීමට නියමිතයි.
කෙසේවෙතත්, 21 වැනි ආණ්ඩුක්‍රම ව්‍යවස්ථා සංශෝධනයට අනුව පාර්ලිමේන්තුවේ නිල කාලය වසර හතරහමාරක් සම්පූර්ණ වූ පසු ඕනෑම වේලාවක පාර්ලිමේන්තුව විසුරුවා හැරීමට ව්‍යවස්ථාමය ප්‍රතිපාදන ජනාධිපතිවරයා සතු වෙනවා.
