එළඹෙන 25 වන දිනට යෙදී ඇති නත්තල් උත්සවය නිමිත්තෙන් සිල්ලරට මත්පැන් විකිණීම සඳහා සුරාබදු බලපත්‍ර ලත් දිවයින පුරා පිහිටි සියලුම මත්පැන්හල් වසා තැබිය යුතු බව සුරාබදු කොමසාරිස් කපිල කුමාරසිංහ මහතා නිවේදනයක් නිකුත් කරමින් දැනුම් දී ඇත.
ශ්‍රී ලංකාවේ වාර්ෂිකව නත්තල් දිනයේ සුරාසැල් වැසීම සිදුකරයි. එහෙත්, කතෝලික භක්තිකයන් අතර මත්පැන්වලට එරෙහි දැඩි සීමා නැති නිසා, එදිනට සුරාසැල් වැසීම ඇතැම් අයගේ විවේචනයට හේතු වේ. පල්ලිවලද මත්පැන් වර්ගයක් වන වයින් පානය කිරීමට ඇත. ජේසුස් වහන්සේද වයින් පානය කර ඇත.
සංචාරක මණ්ඩලයේ අනුමැතිය ලත් සුරාබදු (ර.බී. 07) බලපත්‍ර සහිත හෝටල බලපත්‍ර සහ විශේෂ බුටික් විලා බලපත්‍ර ලත් ස්ථාන නත්තල් දවසේ වසා දැමිය යුතු නොවේ. ඒ අනුව නත්තල් දවසේ මධුවිත අකැප වයින් ස්ටෝස් එකෙන් මත්පැන් ගන්නා සාමාන්‍ය ජනයාට පමණි.
දෙසැම්බර් 29 වන දිනට යෙදී ඇති උඳුවප් පුර පසළොස්වක පෝය දිනයෙහිදී ද බලපත්‍ර වර්ගීකරණයකින් තොරව දිවයින පුරා පිහිටි සිල්ලරට මත්පැන් විකිණීම සඳහා සුරාබදු බලපත්‍ර ලත් ස්ථාන සියල්ලම වසා තැබීමටද ඉන් නියෝග කර ඇත.
