ජාතික ජල සම්පාදන හා ජලා පවාහන මණ්ඩලය 2022 වර්ෂයේදී රුපියල් කෝටි 320ක පාඩුවක් ලබා තිබියදී එහි සේවකයන්ට ඵලදායිතා දිරි දීමනාව ලෙස රුපියල් කෝටි 27ක් ගෙවා ඇතැයි ජාතික විගණන කාර්යාලය නිකුත් කළ වාර්තාවක සඳහන් වනවා.
රාජ්ය ව්යාපාර දෙපාර්තමේන්තුවේ රජය සතු ව්යවසායන් සඳහාවූ මෙහෙයුම් අත්පොතේ ඡේද අංක 5.1 අනුව ප්රසාද දීමනා හෝ දිරිදීමනා ගෙවිය යුත්තේ ඒකාබද්ධ අරමුදලට බදු සහ ලාභය බෙදා හැරීමෙන් පසුව පමණක් බව සඳහන් වන නමුත් ඊට පටහැනිව අධ්යක්ෂ මණ්ඩලයේ අනුමැතිය ඇතිව මෙම දිරි දීමනාව ගෙවා ඇති බව එම වාර්තාවෙ සඳහන් වනවා.
මේ අතර, අධ්යන නිවාඩුව අවසන් වීමෙන් පසු මණ්ඩලයට අඛණ්ඩව සේවය සැපයීමට නොහැකි වූ නිලධාරීන්ගෙන් ඔවුනගේ ශිෂ්යත්ව සඳහා කරන ලද වියදම් වල වටිනාකම මණ්ඩලයට ගෙවා නොතිබූ බවද වාර්තාව සඳහන් කරනවා.
එම වියදම් වල වටිනාකම රුපියල් දෙකෝටිය ඉක්මවා ඇති බවද වාර්තා වනවා.
තවද ජාතික විගණන කාර්යාලය පැවසුවේ, පසුගිය 2021 සහ 2012 වර්ෂ වල කොන්ත්රාත් පදනම මත සේවකයන් 176ක් බඳවා ගැනීම සඳහා කළමනාකරණ සේවා දෙපාර්තමේන්තුවෙන් අනුමැතිය ලබාගෙන නොතිබූ අතර එම සේවකයන් සඳහා 2022 ජුලි මස 31 වැනිදා දක්වා වැටුප් හා දීමනා වශයෙන් කෝටි 21ට වැඩි මුදලක් ගෙවා තිබූ බවයි.