තුර්කියේ රාත්‍රී සමාජ ශාලාවක ඊයේ (02) ඇති වූ ගින්නකින් පුද්ගලයන් 29 දෙනෙකු ජීවිතක්ෂයට පත්ව එක් අයෙකු තුවාල ලබා තිබෙනවා.
ඉස්තාන්බුල් නගරයේ තට්ටු 16 කින් සමන්විත ඉතා උස ගොඩනැඟිල්ලක පහළම මාලයේ පිහිටා ඇති ‘ද මස්කෙරේඩ්’ නැමති මෙම සමාජ ශාලාව එහි ප්‍රතිසංස්කරණ කටයුතු සඳහා වසා තිබූ බවයි විදෙස් මාධ්‍ය වාර්තා කළේ.
කෙසේවෙතත්, ගින්නට හේතුව මෙතෙක් අනාවරණය වී නැහැ.
එමෙන්ම මෙම ගින්නෙන් විපතට පත් වු පුද්ගලයන් එම ශාලාවේ ප්‍රතිසංස්කරණ කටයුතුවල නියැලුණු සේවකයන් බවට තහවුරු වී ඇතැයිද විදෙස් මාධ්‍ය පෙන්වා දෙනවා.
මෙම ගින්න සම්බන්ධයෙන් සමාජ ශාලාවේ කළමණාකරුවන් රඳවා තබා ගෙන ප්‍රශ්න කිරීමට එරට බලධාරීන් පියවර ගෙන තිබෙනවා.
