කොවිඩ් -19 වෛරසය ආසාදනය වූ 2,956 දෙනෙකු ඊයේ (09) දින සොයාගත් බව යුද හමුදාපති, ජෙනරාල් ශවේන්ද්‍ර සිල්වා මහතා පවසනවා.
ඒ අනුව, මෙරටදී තහවුරු කරගත් සමස්ත කොවිඩ් ආසාදිතයින් ගණන 329,994ක් දක්වා ඉහළගොස් තිබෙනවා.
මේ අතර, තවත් කොවිඩ් මරණ 94ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.
පෙරේදා (07) දින තහවුරු කර ඇති එම මරණ 94ත් සමග මෙරට සිදුවී ඇති සමස්ත කොවිඩ් මරණ සංඛ්‍යාව 5,111ක් දක්වා ඉහළගොස් ඇත. එම කොවිඩ් මරණ 94න් 25 දෙනෙකු කාන්තාවන් වන අතර සෙසු 69 දෙනා පිරිමි පුද්ගලයින් වන බවයි සෞඛ්‍ය සේවා අධ්‍යක්ෂ ජනරාල්වරයා සඳහන් කරන්නේ.
අවසන් දින 07 තුළ මරණ 581 ක් වාර්තා වී ඇති අතර එය පෙර සතියට සාපේක්ෂව 52% ක ඉහළ යාමකි.
එමෙන්ම, ඊයේ දිනය තුළ ආසාදිතව සිටි 2,563ක් සුවය ලැබීමත් සමග සුවය ලැබු සමස්තය 293,357ක් විය.
