බර ඉසිලීමේ ඉසව්වෙන් ශ්‍රී ලංකා ක්‍රීඩිකාවක් එසවූ වැඩිම බර ප්‍රමාණය ඔසවමින් නව වාර්තාවක් පිහිටුවීමට චතුරිකා ප්‍රියන්ති ඊයේ (28) සමත් වී තිබෙනවා.
පොළොන්නරුවේ පැවැති ජාතික බර ඉසිලීමේ ශූරතා තරගාවලියේදී ඇය මෙම දක්ෂතාව දක්වා තිබුණා.
එම තරඟාවලියේදී කිලෝග්‍රෑම් 87 කාන්තා බර පන්තියෙන් තරඟ වැදුණු චතුරිකා ප්‍රියන්ති නව ශ්‍රී ලංකා වාර්තා තුනක් පිහිටුවීමට සමත් වුණා.
ඇය ස්නැච් ක්‍රමයට කිලෝග්‍රෑම් 90ක් එස්වීමට සමත් වූ අතර එය නව ශ්‍රී ලංකා වාර්තාවක් ලෙස සටහන් වී තිබෙනවා.
එමෙන්ම, ක්ලීන් ඇන්ඩ් ජර්ක් ක්‍රමයට ඇය එස වූ කිලෝග්‍රෑම් 113ක බර ප්‍රමාණය ද නව ශ්‍රී ලංකා වාර්තාවක් ලෙස සටහන් වුණා.
ඒ අනුව ඇය එසවූ කිලෝග්‍රෑම් 203ක සමස්ත බර ප්‍රමාණයද නව ශ්‍රී ලංකා වාර්තාවක් ලෙස සටහන් වූ අතර එම බර ප්‍රමාණය ශ්‍රී ලංකා ක්‍රීඩිකාවන් බර ඉසිලීමේ ඉසව්වකදී එසවූ වැඩිම බර ප්‍රමාණය ලෙස සටහන් වී තිබුන.
