වැඩවර්ජනය කිරීම අත්හිටුවීමේ අධිකරණ නියෝගය ලබාදීමෙන් පසු ඉන්දියාවේ වෛද්‍යවරුන් 3,000 කට ආසන්න සංඛ්‍යාවක් ඉල්ලා අස්වී තිබේ.
මධ්‍යම ඉන්දියානු ප්‍රාන්තයක් වන මධ්‍ය ප්‍රදේශ්හි මහාධිකරණය බ්‍රහස්පතින්දා කනිෂ්ඨ වෛද්‍යවරුන්ගේ සිව් දින වැඩ වර්ජනය “නීති විරෝධී” යැයි කියමින් සිකුරාදා දහවල් වන විට නැවත රාජකාරියට පැමිණෙන ලෙස ඔවුන්ට නියම කළේය.
එහෙත් මධ්‍ය ප්‍රදේශ් හි වෛද්‍යවරු මෙම තීන්දුව අභියෝගයට ලක් කරමින් සිය තනතුරුවලින් ඉල්ලා අස්වීමේ ප්‍රකාශ සිදු කර ඇත.
වැටුප් ඉහළ නැංවීම සහ කොවිඩ්-19 ප්‍රතිකාර ඥාතීන් සඳහා නොමිලේ ලබා ගැනීම යන ඉල්ලීම් මුල් කර ගනිමින් වෛද්‍යවරු මෙම වැඩවර්ජනය සිදු කරන ලදී
රාජස්ථාන්, බිහාර්, චට්ටිස්ගාර්, උත්තර් ප්‍රදේශ්, කර්නාටක, තෙලන්ගානා, බිහාර්, මහාරාෂ්ට්‍ර සහ වෙනත් ප්‍රාන්තවල කනිෂ්ඨ හා ජ්‍යෙෂ්ඨ වෛද්‍යවරුන් ද මේ වන විට වැඩ වර්ජනය සඳහා සහය දක්වා ඇත.
කොවිඩ්-19 ව්‍යසනය හමුවේ වෛද්‍යවරුන් වැඩවර්ජනය කිරීමට ගත් තීරණය හෙළා දැක ඇති අධිකරණය, වෛද්‍යවරුන් සිය රාජකාරි නැවත ආරම්භ කිරීමට අපොහොසත් වුවහොත් රජය දැඩි ක්‍රියාමාර්ග ගත යුතු බව පවසා තිබේ.
