කොළඹ වරායට අනවසරයෙන් පුද්ගලයින් හතරදෙනෙකු රැගෙන යාමට තැත් කළ චීන ජාතිකයෙකු අත්අඩංගුවට ගෙන තිබෙනවා.
කොළඹ වරාය තුළ කොළඹ වරාය නගරයට ඇතුළුවීමේ අධිවේගී මාර්ගයේ ඉදිකිරීම්වලට ශ්රමිකයන් 4ක් රැගෙන යාමට උත්සාහ කිරීමේදී ඔවුන් අත්අඩංගුවට ගත් බවයි පොලිස් මාධ්ය ප්රකාශක, ජ්යෙෂ්ඨ නියෝජ්ය පොලිස්පති අජිත් රෝහණ මහතා පවසන්නේ.
වරාය නගරය සහ කොළඹ වරාය අතර, ඉදිකරමින් පවතින අධිවේගී මාර්ගයේ කටයුතු සඳහා මිනිස් ශ්රමය සපයන සමාගමක හිමිකරුවෙකු වන මෙම චීන ජාතිකයා විසින් පොතුවිල් ප්රදේශයේ පදිංචිකරුවන් සිව්දෙනෙකු වරාය නගරයට ඇතුළු කිරීමට උත්සාහ කිරීමේදී විමලධර්ම ගේට්ටුවේ සිටි ආරක්ෂක නිලධාරීන් විසින් ඔවුන් 5 දෙනා අත්අඩංගුවට ගෙන ඇති බව පොලීසිය පවසනවා.
කෙසේ වෙතත් වරායට පුද්ගලයන් ඇතුළුවීමෙදී අනුගමයනය කළ යුතු ක්රමවේද ඇති බවත් බලපත්ර ලබාගැනීමකින් තොරව මෙසේ ඔවුන් අනවසරයෙන් වරායට ඇතුළුවී ඇති බවත් පරීක්ෂණවලදී හෙළිව තිබේ.
සැකකරුවන් වැඩිදුර විමර්ශන සඳහා වෙරළබඩ පොලීසිය වෙත භාරදී ඇති බවත් සැකකරුවන් අද කොළඹ මහේස්ත්රාත් අධිකරණයට ඉදිරිපත් කිරීමට නියමිත බවත් වාර්තා වනවා.