යුනෙස්කෝ සංවිධානය විසින් සීගිරි සිතුවම් ගුහාව වෙත පිවිසීමට ඇති පියගැට පෙළ නවීකරණයට රුපියල් කෝටි 4ක මුදලක් අනුමත කර තිබෙනවා.
එම මුදල් ලබන මාසයේදී මෙරටට ලැබෙන බව මධ්‍යම සංස්කෘතික අරමුදල සඳහන් කළා.
ඒ අනුව දැනට අබලන් තත්වයේ පවතින පියගැට පෙල කඩිනමින් නවීකරණයට නියමිත බව මධ්‍යම සංස්කෘතික අරමුදල සඳහන් කරන්නේ.
මීට සමගාමීව සීගිරියේ සංචාරක කටයුතු ප්‍රවර්ධනය කිරීමේ විශේෂ ව්‍යාපෘතියක්ද ක්‍රියාත්මක වන අතර ඒ යටතේ සංචාරකයින් ගමන් ගන්නා ත්‍රිරෝද රථවල ගාස්තු නියාමනය හා සංචාරක මග පෙන්වන්නට නිශ්චිත ගාස්තු ක්‍රමවේදයක් හඳුන්වා දීම ද සිදුවන බවට වාර්තා වෙනවා.
