ආගමන විගමන පණත උල්ලංඝනය කරමින් ශ්‍රී ලංකා මුහුදු තීරය ඔස්සේ වැලිගම මිරිස්ස මුහුදු තීරයට ඇතුළු වූ රුවල සහිත යාත්‍රාවක් සමග ප්‍රංශ ජාතිකයන් හතරදෙනකු සැකපිට ප්‍රශ්න කිරීම සඳහා අත්අඩංගුවට ගෙන තිබෙනවා.
කපිතාන්වරයා, පිරිමි පුද්ගලයන් දෙදෙනෙකු සහ කපිතාන්වරයාගේ බිරිඳ ඒ අතර වන බව සඳහන්.
දින 07 කට පෙර ප්‍රංශයේ සිට පැමිණ ඇති මොවුන් යාත්‍රාවේ ඉන්ධන අවසන් වී ඇතැයි සඳහන් කරමින් ඉන්ධන ලබාගැනීමේ අරමුණින් වැලිගම මිරිස්ස ධීවර වරාය වෙත ගමන් කර තිබෙනවා.
එහිදී මිරිස්ස වෙරළාරක්ෂක බලකා කඳවුරේ නිලධාරීන් විසින් වයස අවුරුදු 67ත් 80ත් අතර වන මෙම පිරිස අත්අඩංගුවට ගෙන තිබෙනවා.
මෙම විදේශිකයන් ආගමන විගමන පනත උල්ලංඝනය කරමින් ශ්‍රී ලංකා මුහුදු තීරයට ඇතුළුවීම නීති විරෝධී වන අතර මෙම පිරිස මාතර මහෙස්ත්‍රාත් අධිකරණය වෙත ඉදිරිපත් කිරීමට නියමිතයි.
