පාස්කු ඉරිදා ප්රහාරය පිළිබඳව පැවැත්වීමට නියමිත දින තුනක පාර්ලිමේන්තු විවාදය සඳහා රුපියල් මිලියන 45ක් පමණ වැය වනු ඇති බවට පුවතක් ‘ඩේලි මිරර්’ වාර්තා කරනවා.
මෙය පාස්කු ප්රහාරය සම්බන්ධයෙන් පැවැත්වෙන සිව් වෙනි පාර්ලිමේන්තු විවාදය වන අතර එයද පාස්කු ප්රහාරය පිළිබඳව පැවැත්වූ අනෙකුත් විවාදයන් මෙන්ම ප්රධාන ගැටලු කිසිවකට විසඳුම් සෙවීමට අපොහොසත් වනු ඇත් දැයි සම්බන්ධයෙන් පවතින්නේ ප්රශ්නාර්ථයක්.
මින් පෙර පාස්කු ප්රහාරය පිළිබඳව පවත්වනු ලැබූ විවාද කිසිවකින් එහි මහ මොළකරු කවුරුන්ද යන ප්රශ්නයට නිසි පිළිතුරක් සපයා ගැනීමට පවා නොහැකි වී තිබෙනවා.
ඒ අනුව, පාස්කු ප්රහාරයෙන් මිය ගිය පුද්ගලයින් මෙන්ම ඔවුන්ගේ පවුල්වල වින්දිතයින්ට යුක්තිය ඉටුවීම සම්බන්ධයෙන් තවමත් පවතින්නේ අවිනිශ්චිත තත්වයක්.
පාස්කු ප්රහාරය පිළිබඳව සැබෑ තොරතුරු තමා හෙළි කිරීමට තමා සූදානම් බව හිටපු ජනාධිපති මෛත්රීපාල සිරිසේන මහතා පවසා ඇති පසුබිමක මෙම විවාදය පැවැත්වෙනවා.
එවකට ජාතික ආරක්ෂාව සම්බන්ධයෙන් වගකීම දැරූ නායකයා වශයෙන් සිටි මෛත්රීපාල සිරිසේන මහතා පාස්කු ප්රහාරය පිළිබඳව සත්ය තොරතුරු හෙළි කරනු ඇතැයි අපේක්ෂාවෙන් සමගි ජන බලවේගය මෙම විවාදය පවත්වන ලෙස ඉල්ලා තිබෙනවා.
ඒ අනුව, පාස්කු ඉරු දින ප්රහාරය සම්බන්ධයෙන් සභාව කල්තැබීමේ විවාදය එළඹෙන අප්රේල් 24, 25 හා 26 යන තෙදින පුරා පැවැත්වීමට නියමිතයි.