28 C
Colombo
Monday, June 24, 2024
spot_img

ශ්‍රී ලංකාවට එරෙහි තරඟයේ දී දකුණු අප්‍රිකාවෙන් වාර්තා 5ක්

- Advertisement -

එක්දින ක්‍රිකට් ලෝක කුසලාන තරගාවලියේ සිව්වැනි තරඟය වන ශ්‍රී ලංකාව සහ දකුණු අප්‍රිකාව අතර තරගය ඉන්දියාවේ දිල්ලිහි Arun Jaitley ක්‍රීඩාංගණයේදී ඊයේ (07) පැවැත්වුණා.

එම තරඟයෙන් ලකුණු 102කින් ලංකාව පරාජය කරමින් ජය ලබා ගැනීමට දකුණු අප්‍රිකානු කණ්ඩායම සමත් වුණා.

තරගයේ කාසියේ වාසිය දිනා ගැනීමට ශ්‍රී ලංකාව සමත් වූ අතර, ඔවුන් විසින් පළමුව පන්දුවට පහර දීමට දකුණු අප්‍රිකානු කණ්ඩායමට ආරාධනා කළා.

ඒ අනුව පිටියට පිවිසි දකුණු අප්‍රිකානු කණ්ඩායම පන්දුවාර 49 ක් අවසානයේ කඩුලු 5ක් දැවී ලකුණු 428 ක් ලබා ගැනීමට සමත් වුණා.

දකුණු අප්‍රිකානු ඉනිම පළමු කඩුල්ල ලෙස නායක Temba Bavuma ලකුණු 8 ක් ලබා සිටියදී පිටියෙන් ඉවත්වුණා. Quinton de Kock ලකුණු 100 Rassie van der Dussen ලකුණු 108, Aiden Markram ලකුණු 106, David Miller ලකුණු 39, Heinrich Klaasen ලකුණු 32 ක් ලබා ගත්තා.

පන්දු යැවීමේදී දිල්ශාන් මධුශංක කඩුලු 02 ක් ද, කසුන් රාජිත, මතීෂ පතිරණ, දුනිත් වෙල්ලාලගේ කඩුලු 01 බැගින් දවා ගත්තා.

එක්දින ලෝක කුසලාන ඉතිහාසයේ කණ්ඩායමක් ලබාගත් වැඩිම ලකුණු ප්‍රමාණය වාර්තා කරමින් දකුණු අප්‍රිකානු කණ්ඩායම ශ්‍රී ලංකා කණ්ඩායමට ලකුණු 429ක දැවැන්ත ඉලක්කයක් ලබා දුන්නා.

ඒ අනුව, පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායමේ පළමු කඩුල්ල ලෙස පැතුම් නිස්සංක ලකුණු නොලබා දැවී ගිය අතර, කුසල් පෙරේරා ලකුණු 7ක් ලබා සිටියදී දැවී ගියා.

ප්‍රවේගකාරී ඉනිමක් ක්‍රීඩාකළ කුසල් මෙන්ඩිස් පන්දු 42කට ලකුණු 76ක් ලබා සිටියදී අවාසනාවන්ත ලෙස දැවී ගිය අතර, චරිත් අසලංක පන්දු 65කට ලකුණු 76ක් ලබා සිටියදී දැවී ගියා.

එමෙන්ම වගකීම් සහගත පිතිකරණයක නිරත වූ නායක දසුන් ශානක මෙම තරගයේදී පන්දු 62කට ලකුණු 68ක් ලබා ගත්තා.

සදීර සමරවික්‍රම ලකුණු 23ක්ද, ධනංජය ද සිල්වා ලකුණු 11ක්ද, කසුන් රාජිත ලකුණු 33යි.

පන්දු යැවීමේදී දකුණු අප්‍රිකානු කණ්ඩායමේ Gerald Coetzee කඩුලු 03ක්ද, Marco Jansen,Keshav Maharaj සහ Kagiso Rabada කඩුලු 02 බැගින්ද, Lungi Ngidi කඩුලු 01 බැගින්ද දවා ගත්තා.

මෙහිදී ලකුණු 429ක ඉලක්කයක් හඹා ගිය ශ්‍රී ලංකා කණ්ඩායමට පන්දුවාර 44යි පන්දු 05ක් අවසානයේ කඩුලු සියල්ල දැවී ලබා ගැනීමට හැකි වුයේ ලකුණු 326ක් පමණයි.

එක්දින ලෝක කුසලාන ඉතිහාසයේ ශ්‍රී ලංකාව සහ දකුණු අප්‍රිකාව අවස්ථා හයකදී මුණගැසී ඇති අතර, ඉන් 1992 ලෝක කුසලානයේදී හැරෙන්නට ශ්‍රී ලංකා කණ්ඩායම දකුණු අප්‍රිකානුවන් පරාජයට පත් කිරීමට හැකියාව ලැබී නැහැ.

මෙහිදී ශ්‍රී ලංකාවට එරෙහි තරගයේ දී‍ දකුණු අප්‍රිකාව වාර්තා 5ක් තබනු ලැබුවා.

1.ලෝක කුසලාන තරගාවලියකදී කණ්ඩායමක් වාර්තා කළ වැඩිම ලකුණු සංඛ්‍යාවට හිමි වාර්තාව.

  1. ශ්‍රී ලංකාවට එරෙහිව සියලුම එක්දින තරගවලදී රැස් කළ වැඩිම ලකුණු සංඛ්‍යාව.
  2. නවදිල්ලියේ Arun Jaitley ක්‍රීඩාංගණයේ එක් දින තරගයක කණ්ඩායමක් රැස් කළ වැඩිම ලකුණු සංඛ්‍යාව.
  3. ලෝක කුසලාන තරගාවලියක කණ්ඩායමක් ඉනිමක ශතක තුනක් රැස් කළ ලොව පළමු අවස්ථාව.
  4. Aiden Markram ලෝක කුසලාන තරගාවලියක පිතිකරුවකු රැස් කළ වේගවත්ම ශතකය රැස් කිරීම.

RECENT ARTICLES - SINHALA

පාසල් අනධ්‍යන සේවකයින් ලෙඩ වෙලා

දිවයින පුරා අධ්‍යාපන අනධ්‍යයන සේවකයින් අද (24) සහ හෙට (25)  දින අසනීප නිවාඩු වාර්තා කර සේවයෙන් ඉවත්ව සිටීමේ වෘත්තීය සමිති ක්‍රියාමාර්ගයක නිරත වන බව අධ්‍යාපන...

කන්න බැරි හාල් කිලෝ තිස්දාහක් බෙදන්න ගිහින්

අඩු ආදායම්ලාභි පවුල් වලට බෙදාහැරිම සදහා රැගෙන විත් තිබු සහල් කිලෝ තිස්දහසකට ආසන්න ප්‍රමාණය මිනිස් පරිභෝජනයට සුදුසු මට්ටමක නොතිබිම නිසා ආපසු හරවා යැවිමට කරුවලගස්වැව...

ගාසා ළමා අරමුදලට කාත්තන්කුඩියෙන් රුපියල් කෝටියක්

ගාසා තීරයේ ගැටුම් පිළිබඳ ශ්‍රි ලංකාවේ ස්ථාවරත්වය කිසි විටෙකත් වෙනස් නොවන බවත්, වසර 05ක් තුළ පලස්තීන රාජ්‍ය පිහිටුවිය යුතුය යන්න ශ්‍රී ලංකාවේ ස්ථාවරය වන...

POPULAR ARTICLES

හෙට පාසල් පැවැත්වීම ගැන විශේෂ නිවේදනයක්

පාසල් කටයුතු හෙට (24) දිනයේ සාමාන්‍ය පරිදි සිදු කෙරෙන බව අධ්‍යාපන අමාත්‍යංශය නිවේදනයක් නිකුත් කරමින් පවසනවා. සිය සේවාව සඳහා සේවා ව්‍යවස්ථාවක් සැකසීම ඇතුළු ඉල්ලීම් කිහිපයක්...

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

නිරුවතින් පිහිනන්න ඕස්ට්‍රේලියානුවන් 3000ක් ඇවිත්

ශීත සෘතුව සනිටුහන් කිරීමට ඕස්ට්‍රේලියාවේ හෝබාර්ට් හි ඩර්වෙන්ට් නදියේ නිරුවත් පිහිනුම් ක්‍රීඩා ඉසව්වක් සංවිධානය කර තිබෙනවා. Dark Mofo නමින් හඳුන්වන මෙම ක්‍රීඩා උත්සවයට ක්‍රීඩකයින් 3,000ක්...