කොරියානු රජය විසින් කොරියානු අපනයන – ආනයන (එක්සිම්) බැංකුවේ ආර්ථික සංවර්ධන සහයෝගිතා අරමුදල හරහා මෙරටට රුපියල් මිලියන 500 ක ණයක් ලබාදීමට එකඟවී තිබෙනවා.
මුදල් අමාත්‍යාංශය නිවේදනය කරන්නේ එම සහනදායී ණය ආධාරයෙහි ණය පොළී අනුපාතය 0.15%-0.20% වැනි අවම අගයක් ගන්නා බවයි.
ණය මුදල ආපසු ගෙවීම සඳහා, වසර 10 සහන කාලයක් සහිතව වසර 40ක පමණ දීර්ඝ කාලයක් හිමිවන බවද මුදල් අමාත්‍යාංශය පවසනවා.
ඊට අදාළ ගිවිසුම මුදල් අමාත්‍යාංශයේ ලේකම් එස්.ආර් ආටිගල මහතා සහ කොරියානු තානාපති වුන්ජින් ජියොන් මහතා විසින් අද (10) අත්සන් කර තිබෙනවා.
